NHSJobs.com

Trosolwg o'r swydd

Mae cyfle cyffrous wedi dod ar gael i Dechnegydd Fferylliaeth Cofrestredig (GPhC) cymwys ymuno â'n tîm Fferylliaeth cyfeillgar yn Ysbyty Cyffredinol Glangwili.

Rydym yn ymdrechu i ddarparu cymorth o safon uchel i'n cleifion ac yn chwilio am Dechnegydd Fferylliaeth llawn cymhelliant, hyblyg a blaengar. Mae'r swydd hon yn cynnig y cyfle i chi gamu ymlaen yn eich gyrfa mewn amgylchedd arloesol a chefnogol

Mae'r rôl heriol ac amrywiol hon yn ddelfrydol ar gyfer Technegydd Fferylliaeth profiadol sy'n dymuno parhau â'i gyfraniad clinigol i ofal cleifion ar yr un pryd â datblygu integreiddiad rhwng gofal eilaidd a gofal sylfaenol.

Er na fydd yn gweithio ar draws y ddau sector, bydd deiliad y swydd yn gweithio mewn modd hyblyg i gefnogi gwasanaethau rheoli meddyginiaethau ar wardiau, i ddarparu cymorth fferyllfa, ac i ddatblygu cyswllt integredig rhwng gofal sylfaenol ac eilaidd – gan gyfeirio cleifion at y gwasanaethau gofynnol ym maes gofal sylfaenol a gwasanaethau cymunedol iddynt gael cymorth ar ôl eu rhyddhau.

Mae'r tîm fferyllol arloesol a chyfeillgar wedi hen sefydlu yn y Bwrdd Iechyd. Rydym yn uchelgeisiol a llawn cymhelliant, yn sicrhau bod ein gwaith yn canolbwyntio ar les gorau ein cleifion, ac yn ymdrechu'n barhaus i wella'r gwasanaethau yr ydym yn eu cynnig. Ar hyn o bryd, mae'r Adran Fferylliaeth yn cyflogi tua 80 o aelodau staff.

Bydd gofyn i ymgeiswyr gymryd rhan yn y rota penwythnosau a gwyliau banc.

Prif ddyletswyddau'r swydd

Ymgymryd â'r gwaith o ddydd i ddydd o oruchwylio a chefnogi staff rheolaidd y fferyllfa sy'n gweithio yn y maes hwn, Swyddogion Technegol Cynorthwyol sy'n dosbarthu, a Thechnegwyr Fferyllfa Cyn-gofrestru. Cynnal y gwiriad terfynol o gywirdeb a rhyddhau presgripsiynau a ddosberthir gan staff eraill y fferyllfa yn rôl Technegydd Gwirio 
Cywirdeb Fferyllfa (ACPT). Mae hyn yn cynnwys blaenoriaethu'r broses o wirio'r llwyth gwaith er mwyn sicrhau bod eitemau brys yn cael eu prosesu mewn modd priodol.

Ymgymryd â dyletswyddau dosbarthu, gan gynnwys dilysu a dosbarthu meddyginiaethau ar gyfer cleifion mewnol, cleifion dydd a chleifion allanol sy'n cael eu rhyddhau o'r ysbyty, a hynny'n unol â'r Trefniadau Gweithredu Safonol ar gyfer Dosbarthu a safonau labelu. Awgrymu newidiadau i'r rhain pan nodir bod hynny'n ofynnol, a rhoi gwelliannau cytunedig ar waith, gan raeadru i'r aelodau priodol o'r tîm.

Darparu gwasanaeth rheoli meddyginiaethau (sy'n cynnwys cysoni meddyginiaethau) trwy goladu ffynonellau gwybodaeth. Gall hyn gynnwys chwilio trwy nodiadau meddygol am lythyrau meddygon teulu, ffurflenni presgripsiynau amlroddadwy, presgripsiynau rhyddhau diweddar, a chymryd cofnodion hanes cyffuriau a chofnodion gweinyddu meddyginiaethau o gartrefi nyrsio. Gall hefyd olygu cysylltu â meddygfeydd teulu a fferyllwyr cymunedol, cyrchu'r porth clinigol, a/neu gael a gwirio meddyginiaethau'r cleifion eu hunain. Gwneud cyfrifiadau syml a monitro canlyniadau profion clinigol lle bo hynny'n briodol

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:
Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;
Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;
48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;
Lleoliadau niferus yn darparu gwasanaethau iechyd meddwl ac anableddau dysgu;
Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.