NHSJobs.com

Trosolwg o'r swydd

Mae cyfle cyffrous wedi dod ar gael i Uwch-swyddog Technegol Cynorthwyol Fferylliaeth yn nosbarthfa ein Hadran Fferylliaeth gyfeillgar a blaengar yn Ysbyty Cyffredinol Glangwili.

Byddwch yn aelod hynod werthfawr o dîm y ddosbarthfa, yn cyflenwi meddyginiaethau i’r ysbyty, gan gynnwys cleifion allanol, ac yn cefnogi’r gwaith o gydlynu prosesau rhyddhau cleifion ar lefel y wardiau i wella llif y cleifion.

Byddwch yn gweithio'n arbennig o dda mewn tîm, yn dangos proffesiynoldeb bob amser, ac yn ymroddedig i'ch datblygiad chi a datblygiad y gwasanaethau a ddarparwn i gleifion.

Rydym wedi ymrwymo i ddatblygu rôl yr Uwch-swyddogion Technegol Cynorthwyol Fferylliaeth yn yr Adran Fferylliaeth, ac rydym yn cynyddu eu cysylltiad â'r broses o gyflenwi gwasanaethau.

Mae'r Tîm Fferylliaeth yn dîm blaengar, ac mae'n ymdrechu'n barhaus i wella'r modd y darperir gofal fferyllol sy'n canolbwyntio ar y claf ac i wneud y defnydd gorau o feddyginiaethau yn y Bwrdd Iechyd.

Prif ddyletswyddau'r swydd

Bydd yr ymgeisydd llwyddiannus yn gweithio mewn tîm o Uwch-swyddogion Technegol, Technegwyr Fferyllol a Fferyllwyr i ddarparu ystod eang o Wasanaethau Fferyllol yn yr ysbyty.  Byddwch yn cael hyfforddiant penodol i'ch helpu i ddatblygu eich sgiliau.

Rhaid i ymgeiswyr feddu ar 5 TGAU (neu gymwysterau cyfatebol) Gradd C neu uwch. Mae meddu ar Gymhwyster Galwedigaethol Cenedlaethol (NVQ) Lefel 2 mewn gwasanaethau fferyllol neu gymhwyster cyfatebol yn ddymunol; fodd bynnag, nid yw'n hanfodol gan y darperir cymorth a goruchwyliaeth lawn i gyflawni a chwblhau'r cymhwyster NVQ Lefel 2 mewn gwasanaethau fferyllol.

Cyflawni amrywiaeth o dasgau i gefnogi'r timau fferylliaeth yn y Bwrdd Iechyd. Gall y rôl olygu gweithio yn y meysydd a ganlyn: Dosbarthu, Caffael, y Ddosbarthfa, Gwasanaethau ar y Wardiau.

Bydd yr ymgeisydd llwyddiannus yn gweithio ar rota penwythnosau a gwyliau Banc.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy: 

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.