NHSJobs.com

Trosolwg o'r swydd

Mae cyfle cyffrous wedi codi ar gyfer Prif Ymarferydd Seicoleg i weithio yn ein Harbenigeddau Iechyd Meddwl Fforensig a Gofal Dwys Seiciatrig. Bydd yr ymgeisydd llwyddiannus yn chwarae rôl allweddol wrth ddatblygu a darparu gwasanaethau seicolegol i oedolion sy’n gleifion mewnol yn Uned Diogelwch Isel ac Uned Gofal Dwys Seiciatrig Cwm Seren yng Nghaerfyrddin, a darparu cefnogaeth i dimau amlddisgyblaethol sy’n ymwneud â’r lleoliad hwn. Bydd hyn yn cynnwys y Tîm Iechyd Meddwl Fforensig cymunedol.

Rydym yn chwilio am Seicolegydd egnïol ac ysbrydoledig sy’n gallu cyflawni asesiadau, fformiwleiddiadau ac ymyriadau o safon uchel, a hefyd yn gallu rhannu dealltwriaeth a sgiliau seicolegol â chydweithwyr. Bydd yn ymuno ag Arbenigedd Seicoleg croesawgar ac ymroddedig sydd ag ymrwymiad i ddatblygiad personol a phroffesiynol ac ymdeimlad cadarn o hunaniaeth broffesiynol. Rydym yn cael ein hysgogi gan werthoedd parch a thosturi wrth i ni weithio i geisio cynyddu mynediad at gymorth o safon uchel, sy’n seiliedig ar dystiolaeth, i unigolion a’u gofalwyr. 

Prif ddyletswyddau'r swydd

Prif amcan y swydd hon yw sicrhau bod pobl sydd â phroblemau iechyd meddwl difrifol a pharhaus yn cael eu hasesu, eu cefnogi a’u trin yn briodol, a’u bod yn cael cymorth i adennill eu lle yn y gymuned leol a chyflawni eu potensial yn llawn fel aelodau o’r gymuned honno.

Bydd deiliad y swydd yn arwain y gwaith o ddarparu asesiad ac ymyriad seicolegol arbenigol i gleientiaid sy’n cael eu derbyn i Uned Diogelwch Isel ac Uned Gofal Dwys Seiciatrig Cwm Seren yng Nghaerfyrddin, gan ddefnyddio dulliau therapiwtig i weithio gydag unigolion, grwpiau, teuluoedd a phobl eraill arwyddocaol er mwyn diwallu’r holl anghenion amrywiol sy’n cael eu cyfeirio atom. 

Rhoddir pwyslais hefyd ar helpu i ddatblygu’r gwasanaeth, cynllunio gofal a thriniaeth, a darparu gwasanaeth ymgynghorol, hyfforddiant a goruchwyliaeth i dimau amlddisgyblaethol. Bydd deiliad y swydd yn sicrhau bod pob aelod o’r tîm sy’n darparu triniaeth yn cael mynediad at fframwaith seiliedig ar seicoleg er mwyn deall a gofalu am gleientiaid y Gwasanaeth. Bydd hefyd yn gweithredu fel Adnodd Arbenigol ar gyfer gwerthuso a rheoli risg seicolegol glinigol-fforensig. Bydd yn darparu cyngor arbenigol i Wasanaethau Seicoleg eraill, timau cleifion mewnol a chymunedol, gan gynnwys cysylltu a darparu cefnogaeth i’r Tîm Iechyd Meddwl Fforensig cymunedol, a thimau amlddisgyblaethol ac amlasiantaethol eraill.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 11,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth â’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy: 

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

48 o bractisau cyffredinol (pedwar ohonynt yn bractisau a reolir), 47 practis deintyddol (gan gynnwys tri orthodontig), 99 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.