NHSJobs.com

Trosolwg o'r swydd

Mae swydd hon yn Cyfnod Penodol/ Secondiad tan  01/03/2026 i gwmpasu absenoldeb mamolaeth.

Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

Oherwydd bod y gwasanaethau'n cael eu hehangu, mae Ysbyty Cyffredinol Glangwili yn chwilio am Radiograffydd CT profiadol cefnogi absenoldeb mamolaeth.

Bydd ymgeiswyr yn meddu ar BSc/ byddant wedi'u cofrestru gyda'r Cyngor Proffesiynau Iechyd a Gofal (HCPC), a bydd ganddynt brofiad priodol CT. Bydd yr ymgeiswyr llwyddiannus yn cael eu lleoli yn Ysbyty Cyffredinol Glangwili; fodd bynnag, bydd disgwyl iddynt fod yn hyblyg yn eu hagwedd at anghenion y gwasanaeth, ac efallai y bydd gofyn iddynt weithio ar safleoedd eraill yn y Bwrdd Iechyd.

Mae'n swydd lawn-amser, a rhoddir ystyriaeth i weithio'n rhan-amser neu rannu swydd, yn ogystal â chymryd rhan mewn diwrnodau estynedig a'r rota y tu allan i oriau.

Mae’r gallu i siarad Cymraeg yn ddelfrydol ar gyfer y swydd hon; mae Cymraeg a/neu Saesneg geisio am y swydd hon.

Prif ddyletswyddau'r swydd

Mae Ysbyty Cyffredinol Glangwili yn ysbyty cyffredinol dosbarth prysur, sydd â statws trawma mawr ar gyfer Gorllewin Cymru. Mae gan yr adran gyfarpar da, gan gynnwys sganiwr CT GE 750HD a Canon Aquilion Prism a osodwyd yn ddiweddar ym mis Ionawr 22. Rydym yn cyflawni'r ystod 
lawn o archwiliadau, gan gynnwys Angiograffeg Coronaidd CT.

Mae gan yr adran sganiwr MRI Siemens Aera 1.5T, ac mae hwn yn cyflawni pob archwiliad, gan gynnwys sesiwn Bediatrig Anesthetig Cyffredinol bwrpasol bob pythefnos. Mae gan yr adran gyffredinol dwy ystafell Samsung DR a detholiad o gyfarpar Philips II, ac mae'r holl gyfarpar 
symudol yn ddigidol. Mae ystafell fflworosgopi Siemens Artis Zee yn hwyluso cholangiopancreatograffiaeth ôl-redol endosgopig (ERCP), mewnosod rheolyddion calon parhaol a dros dro, hysterosalpingograffeg ac astudiaethau asesu llyncu.

Anogir ymestyn rolau, ac mae gennym brofion Llyncu Bariwm a hysterosalpingogramau dan arweiniad Radiograffwyr, ffilm blaen, gwaith adrodd Radiograffwyr CT ac MRI, a chyfleoedd argyfer astudiaeth ôl-raddedig, sy'n cynnwys hyfforddiant ar uwchsain.

Mae gan yr adran wasanaeth ar alwad prysur, sy'n cael ei staffio ar y safle yn achos y gwasanaethau Cyffredinol a CT, ac o gartref ar gyfer MRI. Mae cymryd rhan yn y gwasanaeth ar alwad yn orfodol ar ôl cwblhau'r hyfforddiant a'r broses gynefino. Mae staff pob dull yn gweithio diwrnodau estynedig a phenwythnosau.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion). 
Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru