NHSJobs.com

Trosolwg o'r swydd

Mae swydd hon yn Cyfnod Penodol/ Secondiad tan  01/04/2026. Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

Mae Ysbyty Cyffredinol Glangwili yn chwilio am radiograffydd brwdfrydig i ymuno â'r tîm  Cyffredinol a CT. Mae gennym adran CT a MRI brysur sy'n gweithredu dau sganiwr CT ac un sganiwr MRI. Cafodd un o'r sganwyr ei osod y llynedd (Canon Aquilion Prism) diolch i gyllid gan Lywodraeth 
Cymru. Mae'r brif ystafell CT yn fodern ac yn groesawgar i gleifion ac yn cynnwys ardal ar gyfer gosod canwlâu ac ardal aros. Mae'r adran CT yn cynnal yr holl archwiliadau, gan gynnwys rhestr Angiograffeg Coronaidd CT wythnosol. Mae gan yr adran MRI restr anesthetig cyffredinol pediatrig 
wythnosol.

Bydd ymgeiswyr yn meddu ar BSc/DCR(R) mewn Radiograffeg Ddiagnostig, byddant wedi'u cofrestru gyda'r Cyngor Proffesiynau Iechyd a Gofal (HCPC), a bydd ganddynt brofiad priodol (CT). Bydd gofyn i chi oruchwylio myfyrwyrradiograffwyr a chynorthwyo â hyfforddi staff radiograffeg cylchdro.

Bydd trefniadau gweithio'n hyblyg/rhannu swydd hefyd yn cael eu hystyried. Mae cymryd rhan yn y rota galw Cyffredinol  yn orfodol.

Prif ddyletswyddau'r swydd

Mae Ysbyty Cyffredinol Glangwili yn ysbyty cyffredinol dosbarth prysur yn Sir Gaerfyrddin yng Ngorllewin Cymru. Mae gan yr adran gyfarpar da, gan gynnwys sganiwr CT GE 750 HD a Canon Aquilion Prism a osodwyd yn ddiweddar ym mis Ionawr 22.

Mae gan yr adran sganiwr MRI Siemens Avanto 1.5T. Mae gan yr adran gyffredinol dwy ystafell Samsung DR, ystafell Siemens CR a detholiad o gyfarpar Philips II, ac mae'r holl gyfarpar symudol yn rhai digidol Samsung. Mae ystafell fflworosgopeg Siemens Artis Zee yn hwyluso gweithdrefnau ERCP, astudiaethau bariwm, systemau rheoli'r galon a gweithdrefnau HSG. Mae yna adran uwchsain fawr a gwasanaeth radioleg ymyriadol prysur. 

Anogir trefniadau ymestyn rolau, ac mae gennym brofion Llyncu Bariwm a 
hysterosalpingogramau dan arweiniad Radiograffwyr, gwaith adrodd Radiograffwyr ffilm blaen, CT, MRI a Meddygaeth Niwclear, yn ogystal â chyfleoedd ar gyfer astudiaeth ôl-raddedig, sy'n cynnwys hyfforddiant ar uwchsain, ledled y Bwrdd Iechyd.

Mae gan yr adran wasanaeth ar alwad prysur, sy'n cael ei staffio ar y safle yn achos y gwasanaethau Cyffredinol a CT. Mae'r gwaith MRI ar alwad yn digwydd gartref ar hyn o bryd. 

Mae'r gallu i siarad Cymraeg yn ddymunol ar gyfer y swydd hon; mae croeso i siaradwyr Cymraeg a/neu Saesneg, fel ei gilydd, wneud cais.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion). 
Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.