Trosolwg o'r swydd

Mae swydd hon yn Cyfnod Penodol/ Secondiad tan 22/10/2025 i gwmpasu absenoldeb mamolaeth.

Os ydych yn gyflogai i Fwrdd Iechyd Prifysgol Hywel Dda ac yn gwneud cais am secondiad i'r swydd hon, bydd angen i'ch rheolwr presennol gytuno i'r secondiad cyn i chi gyflwyno eich cais.

Mae cyfle cyffrous wedi codi ym Mwrdd Iechyd Prifysgol Hywel Dda ar gyfer Ymarferydd Trallwyso Gwaed 6 mis rhan-amser i hyrwyddo a gwella arfer trallwyso diogel a phriodol, a hynny trwy hyfforddiant ac addysg sy'n cyd-fynd â deddfwriaeth a chanllawiau cenedlaethol/lleol.

Disgwylir i chi fod yn nyrs gofrestredig gyda'r Cyngor Nyrsio a Bydwreigiaeth neu'n wyddonydd biofeddygol cofrestredig gyda'r Cyngor Proffesiynau Iechyd a Gofal, a'ch bod yn meddu ar wybodaeth am Drallwyso Gwaed/Hematoleg.

Mae'r swydd hon yn cynnig cyfle gwych i Nyrs Gofrestredig neu Wyddonydd Biofeddygol brwdfrydig a llawn cymhelliant, sy'n meddu ar sgiliau cyfathrebu rhagorol, hyrwyddo rhagoriaeth mewn ymarfer trallwyso i bob grŵp staff ac ym mhob maes clinigol.

Prif ddyletswyddau'r swydd

Bydd deiliad y swydd wedi'i leoli'n bennaf yn safle  Ysbyty Cyffredinol Glangwili yn rheoli llwyth gwaith yr Ymarferwyr Trallwyso yno, ond bydd disgwyl iddo hefyd gysylltu â'r Ymarferwyr Trallwyso ar y safleoedd eraill yn y Bwrdd Iechyd ac ar draws Cymru, a chyflenwi ar eu cyfer, yn ôl yr angen.

Bydd yr Ymarferydd Trallwyso yn gweithio yn Nhîm Trallwyso amlddisgyblaethol ysbytai'r Bwrdd Iechyd, tîm sy'n cynnwys Arweinydd Clinigol y Gwasanaeth Trallwyso Gwaed, Rheolwyr y Gwasanaeth Trallwyso Gwaed, Ymarferwyr Trallwyso ac Arbenigwyr Trallwyso eraill. Bydd deiliad y swydd yn rheoli ei lwyth gwaith ei hun a bydd disgwyl iddo fynychu cyfarfodydd i gynrychioli Hywel Dda y tu mewn a'r tu allan i'r Bwrdd 
Iechyd, er enghraifft yng Ngwasanaeth Gwaed Cymru. Mae'r rhwydwaith Trallwyso Gwaed yn Hywel Dda a Chymru yn dîm clòs sy'n cydweithio'n dda i hyrwyddo trallwysiadau diogel a'r arfer trallwyso gorau.

Bydd deiliad y swydd yn gyfrifol am baratoi pecynnau hyfforddi ar gyfer pob agwedd ar y broses drallwyso, ynghyd â chydgysylltu a chyflenwi addysg ac asesiadau cymhwysedd cysylltiedig â thrallwyso ar gyfer yr holl staff sy'n rhan o'r broses drallwyso. Bydd yn ymgymryd â'r gwaith o fonitro digwyddiadau olrhain a thrallwyso, gan gynnwys y gwaith adrodd gorfodol i'r Asiantaeth Rheoleiddio Meddyginiaethau a Chynhyrchion Gofal Iechyd 
(MHRA), a bydd yn cynnal archwiliadau clinigol, a hynny'n lleol ac yn genedlaethol. 

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu i bron 400,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

4 prif ysbyty (Bronglais, Aberystwyth, Glangwili, Caerfyrddin, Tywysog Philip, Llanelli, ac Llwynhelyg, Hwlffordd).

5 ysbyty cymunedol (Ysbyty Dyffryn Aman ac Ysbyty Llanymddyfri yn Sir Gaerfyrddin, Ysbyty Tregaron yng Ngheredigion,Ysbyty Dinbych-y-pysgod a Chanolfan Adnoddau Iechyd a Gofal Cymdeithasol De Sir Benfro yn Sir Benfro.

Dwy ganolfan gofal integredig (Aberaeron ac Aberteifi, yng Ngheredigion).

Cyfleusterau cymunedol, gan gynnwys:

48 Meddygfa, 49 Deintyddfa, 98 Fferyllfa Gymunedol, 44 Practis Offthalmig Cyffredinol (gan gynnwys gwasanaethau iechyd llygaid a golwg gwan), 38 safle yn darparu gwasanaethau iechyd meddwl ac anableddau dysgu, gofal o fewn eich cartrefi eich hun

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.