NHSJobs.com

Trosolwg o'r swydd

Mae cyfle cyffrous wedi dod ar gael ar gyfer Arweinydd Tîm Band 7 llawn-amser i reoli ac arwain y  tîm ymwelwyr iechyd yng Ngogledd Sir Benfro, ar draws Crymych/Casnewydd, Tyddewi, Arberth ac  Abergwaun.

Rhaid bod gan ymgeiswyr y gallu i deithio rhwng safleoedd mewn modd amserol.

Rhaid i bob ymgeisydd fod yn nyrs/fydwraig gofrestredig a meddu ar gymhwyster SCPHN – ymwelydd iechyd. Mae yna ofyniad sylfaenol am agwedd hynod hyblyg a brwdfrydig tuag at y rôl hon sy'n heriol, yn gofyn llawer ac yn werth chweil.

Mae'n swydd barhaol 37.5 awr yr wythnos ym Meddygfa Abergwaun, Sir Benfro.

Bydd yr ymgeisydd llwyddiannus yn cael cyfnod sefydlu a thiwtoriaeth ynghyd â chymorth a  goruchwyliaeth barhaus.

Cynhelir y cyfweliadau ar 13/8/24

Prif ddyletswyddau'r swydd

Darparu arweinyddiaeth strategol a phroffesiynol i Ymwelwyr Iechyd a datblygu'r gwasanaeth yn unol â'r amcanion cenedlaethol, gan sicrhau bod gofal seiliedig ar dystiolaeth yn cael ei ddarparu, a hynny wrth reoli'r gwasanaeth o ddydd i ddydd. Darparu gwasanaeth Ymwelydd Iechyd costeffeithiol, o safon uchel, diogel, ac unigol ei ogwydd i gleifion yn y gymuned trwy asesu, cynllunio, gweithredu a gwerthuso gofal.

Cydweithio â Chyd-weithwyr Iechyd y Cyhoedd ac Awdurdodau Lleol. Cyfrannu at y gwaith o reoli cyllidebau Ymwelwyr Iechyd a'r lleoliad, a monitro ac adrodd ar Fesurau Perfformiad Allweddol a chyflawniadau Ymwelwyr Iechyd y Tîm Ymwelwyr Iechyd.

Sicrhau bod gwasanaeth Ymwelwyr Iechyd Arbenigol o ansawdd uchel yn cael ei ddatblygu a'i ddarparu'n barhaus ledled Bwrdd Iechyd Prifysgol Hywel Dda, yn unol â Rhaglen Plant Iach Cymru. Sicrhau bod Asesiadau Risg ar waith, gan ofalu bod pob perygl a digwyddiad yn cael ei gofnodi ar Datix, yn unol â chanllawiau, polisïau a gweithdrefnau'r Bwrdd Iechyd.

Gweithio i'n sefydliad

Bwrdd Iechyd Prifysgol Hywel Dda yw cynllunydd a darparwr gwasanaethau gofal iechyd y GIG i bobl yn Sir Gaerfyrddin, Ceredigion, Sir Benfro a’r siroedd cyfagos. Mae ein 12,000 o staff yn darparu gwasanaethau sylfaenol, cymunedol, mewn ysbytai, iechyd meddwl ac anableddau dysgu ar gyfer tua 384,000 o bobl ar draws chwarter ehangdir Cymru. Gwnawn hyn mewn partneriaeth a’n 3 awdurdod lleol a chydweithwyr yn y sector cyhoeddus, y sector preifat a’r trydydd sector, gan gynnwys ein gwirfoddolwyr, drwy:

Pedwar prif ysbyty: Ysbyty Cyffredinol Bronglais yn Aberystwyth, Ysbyty Cyffredinol Glangwili yng Nghaerfyrddin, Ysbyty Tywysog Philip yn Llanelli a Ysbyty Cyffredinol Llwynhelyg yn Hwlffordd;

Saith ysbyty cymunedol: Dyffryn Aman a Llanymddyfri yn Sir Gaerfyrddin; Tregaron, Aberaeron ac Aberteifi yng Ngheredigion; a Chanolfan Adnoddau Iechyd a Gofal Cymdeithasol Ysbyty Dinbych-y-pysgod a De Sir Benfro yn Sir Benfro;

47 o bractisau cyffredinol (6 ohonynt yn bractisau a reolir), 45 practis deintyddol (gan gynnwys 4 orthodontig), 96 o fferyllfeydd cymunedol, 44 o bractisau offthalmig cyffredinol (43 yn darparu Archwiliad Iechyd Llygaid Cymru a 34 o wasanaethau golwg gwan) ac 17 o ddarparwyr gofal cartref yn unig ac 11 canolfannau iechyd;

Lleoliadau niferus yn darparu gwasanaethau iechyd meddwl ac anableddau dysgu;

Gwasanaethau tra arbenigol a thrydyddol a gomisiynir gan Bwyllgor Gwasanaethau Iechyd Arbenigol Cymru, cydbwyllgor sy'n cynrychioli 7 bwrdd iechyd ledled Cymru.