NHSJobs.com

Trosolwg o'r swydd

               Mae'n bleser gennym allu cynnig dwy swydd Meddyg Ymgynghorol mewn Meddygaeth Frys yn Ysbyty Glan Clwyd (YGC) yng Ngogledd Cymru.

 

                Mae Meddygaeth Frys yn YGC wedi mynd trwy broses drawsnewid radical tuag at wasanaeth modern sy'n datblygu'n gyflym ac sy'n awyddus i sicrhau'r safonau gofal brys uchaf ar gyfer ei phoblogaeth. Rydym yn chwilio am Feddygon Ymgynghorol sydd â'r weledigaeth, yr uchelgais a'r egni i weithio ochr yn ochr â'r tîm presennol i ddatblygu'r adran. 

 

Mae'r swydd wedi'i lleoli ar safle YGC, sef ysbyty sy'n datblygu'n gyflym iawn ac sydd o bwys strategol yng Ngogledd Cymru. Ynghyd ag ysbytai partner yn Wrecsam a Bangor, yn ogystal ag ysbytai cymunedol cysylltiedig, unedau mân anafiadau a gwasanaethau gofal sylfaenol, mae YGC yn rhan o Fwrdd Iechyd Prifysgol Betsi Cadwaladr (BIPBC). Mae hwn yn sefydliad cwbl integredig ac yn un o'r darparwyr gofal iechyd mwyaf yn y DU. 

Prif ddyletswyddau'r swydd

Mae'r adran yn darparu gwasanaeth 24 awr gan uwch-wneuthurwyr penderfyniadau ar y llawr gwaith a darperir lefel Haen 2 gan gymysgedd o feddygon Arbenigedd a Chymrodyr Clinigol EPIC. Ceir 13 o Feddygon Arbenigol ar hyn o bryd, y mae rhai ohonynt yn gweithio llai na llawn amser i'r Adran Achosion Brys.

 

Ar hyn o bryd, mae'r Adran Achosion Brys yn darparu gwasanaeth Meddyg Ymgynghorol ar y llawr gwaith o 8am i 11pm.  

 

Mae YGC yn gweithredu model Meddyg Brys â Chyfrifoldeb (EPIC). Mae'r Meddyg Brys â Chyfrifoldeb yn rhedeg yr Adran Achosion Brys gyda'r nyrs â chyfrifoldeb sydd wedi'i lleoli yn hyb yr Adran Achosion Brys yn unol â gweithdrefnau gweithredu safonol EPIC yr Adran Achosion Brys. Mae disgwyl i feddygon ymgynghorol ddarparu arweinyddiaeth a chyfeiriad o safon uchel ar y llawr gwaith, gan weithio'n agos gyda chydweithwyr o Ymddiriedolaeth Gwasanaethau Ambiwlans Cymru, nyrsys a rheolwyr er mwyn sicrhau diogelwch cleifion a sicrhau y caiff penderfyniadau da ac amserol eu gwneud.

 

Mae sesiynau gofal clinigol uniongyrchol Meddyg Ymgynghorol eraill Arweinydd Tîm anfeddygol yr Adran Achosion Brys yn cynnwys gweithio ar y llawr gwaith 

Gweithio i'n sefydliad

Bwrdd Iechyd Prifysgol Betsi Cadwaladr yw'r sefydliad iechyd mwyaf yng Nghymru, gan ddarparu amrywiaeth lawn o wasanaethau sylfaenol, cymunedol, iechyd meddwl ac ysbyty acíwt i boblogaeth o tua 676,000 o bobl ledled chwe sir Gogledd Cymru (Ynys Môn, Gwynedd, Conwy, Sir Ddinbych, Sir y Fflint a Wrecsam). Caiff rhai ardaloedd yng Nghanolbarth Cymru, Swydd Gaer a Swydd Amwythig eu cwmpasu gan y Bwrdd Iechyd hefyd.

Mae'r Bwrdd Iechyd yn cyflogi tua 16,500 o staff ac mae ganddo gyllideb o tua £1.4 biliwn. Mae'n gyfrifol am redeg tri ysbyty cyffredinol dosbarth (Ysbyty Maelor Wrecsam yn Wrecsam, Ysbyty Glan Clwyd ger y Rhyl ac Ysbyty Gwynedd ym Mangor), yn ogystal â 22 o ysbytai acíwt a chymunedol eraill a rhwydwaith o fwy na 90 o ganolfannau iechyd, clinigau, timau iechyd cymunedol ac unedau iechyd meddwl. Mae'r Bwrdd Iechyd hefyd yn cydlynu gwaith 121 o bractisau meddygon teulu a gwasanaethau'r GIG a ddarperir yn y gogledd gan ddeintyddion, optegwyr a fferyllfeydd.

Mae'r Bwrdd Iechyd yn ardal fwyaf gogleddol Cymru, ger Parc Cenedlaethol prydferth Eryri ac mae'n ymestyn dros ardal ddaearyddol enfawr ac amrywiol. Mae'r morlin yng Ngogledd Cymru ymhlith y rhai mwyaf amrywiol ac ysblennydd yn y DU, gan gynnig cyfleoedd heb eu hail i gymryd rhan mewn gweithgareddau awyr agored mewn ardal o harddwch naturiol eithriadol.