NHSJobs.com

Trosolwg o'r swydd

Mae cyfle cyffrous wedi codi i Feddyg 1 Ymgynghorol ymuno â'r tîm cyfredol o Feddygon Ymgynghorol i'r Newydd-anedig yn ein huned isranbarthol gofal dwys i'r newydd-anedig (SuRNICC) unigryw a newydd ar gyfer Gogledd Cymru.  Mae'r uned £18 miliwn wedi'i lleoli yn Ysbyty Glan Clwyd yng nghanol Gogledd Cymru wrth ymyl Llanelwy.  Mae'r uned hon yn uned i'r Newydd-anedig uwch lleol ac yn cynnwys 5 crud gofal dwys, 5 crud Uned Dibyniaeth Fawr a 9 crud gofal arbennig.
 
Mae Rhwydwaith y Newydd-anedig Gogledd Cymru yn cynnwys 3 uned:  2 Uned Gofal Arbennig ym Mangor a Wrecsam sy'n derbyn babanod sefydlog > 32 wythnos o'r cyfnod cario a'r SuRNICC yn Ysbyty Glan Clwyd.  Mae'r uned yn Ysbyty Glan Clwyd wrth wraidd Rhwydwaith y Newydd-anedig Gogledd Cymru.  Mae'r gyfradd geni yng Ngogledd Cymru o amgylch 6500 genedigaeth y flwyddyn ac mae'r rhwydwaith yn gofalu am yr holl fabanod sy'n cael eu geni ar 26 wythnos ac uwch.  Mae Tîm Cludiant i'r Newydd-anedig lleol wedi'i lleoli yn Ysbyty Glan Clwyd a bydd disgwyl i ymgeiswyr llwyddiannus rannu'r gweithgarwch cludo.  Darperir Cludiant i'r Newydd-anedig 12 awr/7 diwrnod. Mae cydweithrediad agos gyda'r Rhwydwaith y Newydd-anedig cyfagos yn Sir Gaer a Glannau Merswy sy'n darparu gofal i fabanod sy'n llai na 26 wythnos o’r cyfnod cario.  Bydd disgwyl i'r ymgeisydd llwyddiannus gymryd rhan lawn yn y rota ar-alwad Meddygon Ymgynghorol i'r Newydd-anedig unigol nad ydynt yn preswylio dynodedig sy’n 1 mewn 7. 

Prif ddyletswyddau'r swydd

 Caiff yr uned ei chefnogi gan rota Haen 1 i'r newydd-anedig yn ogystal â grŵp o 5 ANNPs a chyflenwad Haen 2 Paediatrig.  Mae'r swyddi yn addas i ymgeiswyr  sydd â CCT i'r newydd-anedig yn ogystal â phaediatregwyr cyffredinol gyda diddordeb arbennig yn y newydd-anedig. 

Mae'r SuRNICC yn gwasanaethu ardal o Wrecsam yn y Dwyrain i Ynys Môn yn y Gorllewin.

Mae gan Ogledd Cymru tair adran Paediatrig cyffredinol gyda gwasanaethau llawn i gleifion allanol ym mhob un o'r tri Ysbyty Cyffredinol Dosbarth.  Byddwn yn cefnogi gweithgareddau hamdden neu ddatblygiad diddordebau arbennig yn ogystal â gweithgareddau ymchwil.  Mae’r swydd wedi’i seilio ar gontract 10 sesiwn a bydd yr ymgeisydd llwyddiannus yn gweithio’n unol â Chontract Meddygon Ymgynghorol Cymru sydd wedi’i seilio ar 7 sesiwn DCC a 3 sesiwn SPA.

Rydym yn adran brysur a llon sydd â phwyslais clir ar ddarparu gofal o'r ansawdd orau i'n plant a'n teuluoedd lleol.  Mae cydweithio agos rhwng Meddygon Ymgynghorol a'r tîm Nyrsio Arbenigol y Newydd-anedig, a chefnogaeth dda i staff meddygol iau.  Mae gennym berthynas gwaith ardderchog gyda'n cydweithwyr Paediatreg cyffredinol a chymuned, a gyda gwasanaethau arbenigol y ganolfan drydyddol yn Ysbyty Plant Alder Hey yn Lerpwl.  Mae gan yr adran enw da ers tro am ddarparu hyfforddiant ardderchog i staff iau a myfyrwyr meddygol, a bydd disgwyl i'r ymgeisydd llwyddiannus gyfrannu'n llawn at addysgu a hyfforddi. 
 

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru a chanddo gyllideb o £1.7 biliwn a gweithlu o dros 19,000 o staff. Mae’r Bwrdd Iechyd yn darparu gwasanaethau sylfaenol, eilaidd, cymunedol, iechyd meddwl ac ysbytai acíwt i boblogaeth gogledd Cymru.

Mae BIPBC yn darparu ystod lawn o wasanaethau sylfaenol, cymunedol, iechyd meddwl ac ysbytai acíwt ac arbenigol ar draws 3 ysbyty acíwt, 22 ysbyty cymunedol a rhwydwaith o dros 90 o ganolfannau iechyd, clinigau, canolfannau timau iechyd cymunedol ac unedau iechyd meddwl. Mae BPIBC hefyd yn cydlynu, neu’n darparu gwaith 113 o bractisau meddygon teulu a’r gwasanaeth GIG a ddarperir gan ddeintyddion, optegwyr a fferyllwyr ar hyd a lled y rhanbarth.

Mae’r Bwrdd Iechyd yn system iechyd integredig sy’n ymdrechu i ddarparu gofal tosturiol mewn partneriaeth â’r cyhoedd a sefydliadau statudol a thrydydd sector eraill. Mae BIPBC wedi datblygu perthynas â’r prifysgolion yng ngogledd Cymru ac mae, ynghyd â Phrifysgol Bangor, yn ceisio statws ysgol feddygol ac yn gweithredu mewn diwylliant dysgu sy’n gyfoeth o ymchwil.