NHSJobs.com

Trosolwg o'r swydd

Rydym yn falch o gyhoeddi ein bod yn dymuno penodi cydweithwyr newydd i ymuno â'n tîm parhaol o feddygon ymgynghorol sydd wedi'u lleoli yng Ngogledd Cymru. Rydym yn dymuno penodi nifer o Oncolegwyr Clinigol Ymgynghorol mewn ystod o is-arbenigeddau i atgyfnerthu ein gweithlu er mwyn darparu’r gofal gorau i bobl Gogledd Cymru.
Mae'r Uwch Adran Canser mewn cyfnod o newid, ac mae'n awyddus i groesawu modelau newydd o weithio ac arloesi. Yn ddiweddar, ac yn dilyn ceisiadau achos busnes llwyddiannus, rydym wedi croesawu Meddygon Cyswllt a nifer o Uwch Ymarferwyr Nyrsio. Rydym hefyd wedi recriwtio ein Radiograffydd Ymgynghorol cyntaf ac rydym yn edrych ar amryw o dechnolegau i gefnogi'r gwasanaeth.
Mae Canolfan Trin Canser Gogledd Cymru mewn lleoliad delfrydol yng nghanol y rhanbarth ac mae'n gofalu am nifer fawr o gleifion bob dydd. Mae pob un o’r tair canolfan trin canser yng Ngogledd Cymru wedi’u hariannu gan roddion cyhoeddus ac rydym yn ffodus bod gennym ni gymunedau mor angerddol a chefnogol. 
Bydd yr ymgeisydd llwyddiannus wedi'i leoli'n Ysbyty Glan Clwyd. Mae elfen ar alwad i'r rôl, a bydd gofyn i chi gymryd rhan ar sail 1 mewn 8.
Rydym yn annog ac yn croesawu ceisiadau gan gydweithwyr sy’n arbenigo mewn tiwmorau mewn mannau eraill a byddwn yn gweithio i greu cynllun swydd sy'n fanteisiol i’r unigolyn a’r adran. 
Bydd yr ymgeisydd llwyddiannus yn cael ei benodi o dan gontract diwygiedig Meddygon Ymgynghorol Cymru, 

Prif ddyletswyddau'r swydd

•    Darparu gwasanaethau oncolegol arbenigol i'r boblogaeth gan gyfeirio'n arbennig at y canserau cyffredin a'r is-arbenigeddau oncoleg priodol y cytunwyd arnynt a chymryd rhan yn weithgar ym mhob un o'r timau amlddisgyblaethol hyn.

•    Meithrin diddordeb arbenigwr safle ac ymchwil ar safleoedd y ddau ysbyty. Bydd hyn yn cynnwys datblygu ymchwil glinigol a chofrestru cleifion mewn astudiaethau cenedlaethol a rhyngwladol priodol.

•    Darparu rowndiau ward rheolaidd ar gyfer cleifion mewnol oncoleg ar Ward Enfys, Canolfan Trin Canser Gogledd Cymru ac ym mhrif safle'r ysbyty yn ôl yr angen.  

•    Gweithio'n agos gyda chyd-ymgynghorwyr clinigol a darparu gofal canser di-dor i'r holl gleifion.

•    Gweithio'n agos gyda chydweithwyr mewn Is-adrannau eraill er mwyn helpu i ddarparu gwasanaeth effeithlon i gleifion sy'n trosglwyddo rhwng y disgyblaethau gwahanol ac yn ystod taith y claf.

•    Cysylltu â chydweithwyr ym maes Oncoleg, Hematoleg a Gofal Lliniarol i gyflenwi dyletswyddau cleifion mewnol i gleifion oncoleg.  

•    Datblygu a chymryd rhan mewn mentrau cydweithredol, sy'n rhoi parch mawr i effeithiolrwydd clinigol ac ymarfer meddygaeth sy'n seiliedig ar dystiolaeth.

•    Cymryd rhan mewn archwilio ac addysgu a meddu ar gyfrifoldeb am sicrhau cyfranogiad gweithgar mewn addysg feddygol barhaus. 

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.
Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".
Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.
Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.