NHSJobs.com

Trosolwg o'r swydd

Mae cyfle cyffrous wedi codi i lywio gwasanaethau rhewmatoleg yng Ngogledd Cymru gyda phedair swydd Rhewmatolegydd Ymgynghorol, 10 sesiwn,  Ysbyty Glan Clwyd. Gwneir y penodiadau o dan amodau Contract Meddygon Ymgynghorol Cymru.Cefnogir pob meddyg ymgynhgorol gan rwydwaith o staff meddygol, Nyrsys Arbenigol, Gweithwyr Proffesiynol Perthynol i Iechyd a chymorth gweinyddol a rheoli. Bydd gan y meddygon ymgynghorol newydd fynediad cyfartal at y staff cymorth meddygol, nyrsio ac ysgrifenyddol hyn. Bydd deiliad y swydd yn rhannu gofod swyddfa gyda chyfrifiadur personol neu gliniadur.  Cynigir cysylltiad VPN a hyfforddiant sefydlu priodol gyda hyfforddiant ar systemau TG lleol.

Prif ddyletswyddau'r swydd

7 sesiwn Cyswllt Clinigol Uniongyrchol – rhagwelir y bydd hyn yn cynnwys tua 5 sesiwn o glinigau/rowndiau'r ward/timau amlddisgyblaethol clinigol ac atgyfeiriadau a thua 2 sesiwn o weinyddiaeth cysylltiedig â chleifion uniongyrchol. 3 sesiwn Gweithgareddau Proffesiynol Ategol. Bydd yn ofynnol i'r ymgeisydd llwyddiannus gyfrannu at lwyth gwaith yr adran yn unol ag argymhellion Coleg Brenhinol y Meddygon sy'n pennu 6–7 o gleifion newydd fesul clinig, 10–15 o gleifion sy'n destun adolygiad fesul clinig a chlinigau cymysg lle mae un claf newydd yn cymryd amser dau glaf sy'n destun adolygiad, yn dibynnu ar gymysgedd o achosion o gleifion newydd i gleifion sy'n destun adolygiad. Bydd yn ofynnol i'r ymgeisydd llwyddiannus ddarparu gwasanaeth o ansawdd uchel. Bydd disgwyl cyfraniad sylweddol at y gwasanaeth Rhewmatoleg cyffredinol ond bydd cyfleoedd i ddilyn diddordeb arbennig sy'n berthnasol i'r gwasanaeth cyffredinol yn cael eu hannog. Nid oes ymrwymiad ar alwad y tu allan i oriau yn gysylltiedig â'r swyddi hyn. Rhaid i'r ymgeisydd llwyddiannus ymrwymo i ail-ddilysu, i gymryd rhan mewn archwiliad meddygol a datblygiad proffesiynol parhaus (DPP). Daw'r rôl hon â 3 Gweithgaredd Proffesiynol Ategol, sy'n cynnig y potensial datblygu i unigolyn archwilio diddordebau fel ymchwil, gwella ansawdd neu addysg. 

Gweithio i'n sefydliad

Bwrdd Iechyd Prifysgol Betsi Cadwaladr (BIPBC) yw’r sefydliad iechyd mwyaf yng Nghymru a chanddo gyllideb o £1.7 biliwn a gweithlu o dros 19,000 o staff. Mae’r Bwrdd Iechyd yn darparu gwasanaethau sylfaenol, eilaidd, cymunedol, iechyd meddwl ac ysbytai acíwt i boblogaeth gogledd Cymru.

Mae BIPBC yn darparu ystod lawn o wasanaethau sylfaenol, cymunedol, iechyd meddwl ac ysbytai acíwt ac arbenigol ar draws 3 ysbyty acíwt, 22 ysbyty cymunedol a rhwydwaith o dros 90 o ganolfannau iechyd, clinigau, canolfannau timau iechyd cymunedol ac unedau iechyd meddwl. Mae BPIBC hefyd yn cydlynu, neu’n darparu gwaith 113 o bractisau meddygon teulu a’r gwasanaeth GIG a ddarperir gan ddeintyddion, optegwyr a fferyllwyr ar hyd a lled y rhanbarth.

Mae’r Bwrdd Iechyd yn system iechyd integredig sy’n ymdrechu i ddarparu gofal tosturiol mewn partneriaeth â’r cyhoedd a sefydliadau statudol a thrydydd sector eraill. Mae BIPBC wedi datblygu perthynas â’r prifysgolion yng ngogledd Cymru ac mae, ynghyd â Phrifysgol Bangor, yn ceisio statws ysgol feddygol ac yn gweithredu mewn diwylliant dysgu sy’n gyfoeth o ymchwil.