NHSJobs.com

Trosolwg o'r swydd

Mae cyfle cyffrous wedi codi i lywio gwasanaethau rhewmatoleg yng Ngogledd Cymru gyda phedair swydd Rhewmatolegydd Ymgynghorol Locwm, x10 sesiwn, wedi'u lleoli yn Ysbyty Glan C

Ceir cyfle i ddatblygu diddordebau pellach gydag Uned Esgyrn Gogledd Cymru (Llandudno), Gwasanaeth Asesiad a Thriniaeth Cyhyrysgerbydol Clinigol (CMATS), Wltrasonograffeg ac i ddatblygu eich diddordebau is-arbenigedd eich hun a fydd yn gwella gwasanaeth Rhewmatoleg Gogledd Cymru.

Mae'r Gwasanaeth Rhewmatoleg yn gweithredu dros nifer o ardaloedd cleifion allanol o fewn y tri prif ysbyty cyffredinol dosbarth a Chanolfan Rhewmatoleg Peter Madison (PMRC) yn Llandudno. Ceir clinigau Newydd ac Adolygu a arweinir gan Nyrsys Arbenigol a Gweithwyr Iechyd Proffesiynol Perthynol. Mae'r Gwasanaeth Rhewmatoleg hefyd yn gweithredu gwasanaeth atgyfeirio wardiau cleifion mewnol i'r cleifion hynny ar ward meddygol cyffredinol sydd angen adolygiad (safleoedd Wrecsam, Glan Clwyd a Bangor). Bydd gofyn am beth ymrwymiad i asesu atgyfeiriadau wardiau o fewn y swydd hon. Caiff trwythiadau eu rheoli mewn Uned Dydd Meddygol/lleoliad Asesiad a Therapi pwrpasol yn ysbytai Wrecsam, Glan Clwyd a Llandudno.

lwyd.

Prif ddyletswyddau'r swydd

·       8 sesiwn Cyswllt Clinigol Uniongyrchol – rhagwelir y bydd hyn yn cynnwys tua 8 sesiwn o glinigau/rowndiau'r ward/timau amlddisgyblaethol clinigol ac atgyfeiriadau a thua 2 sesiwn o weinyddiaeth cysylltiedig â chleifion uniongyrchol.

• Bydd yn ofynnol i'r ymgeisydd llwyddiannus gyfrannu at lwyth gwaith yr adran yn unol ag argymhellion Coleg Brenhinol y Meddygon sy'n pennu 6–7 o gleifion newydd fesul clinig, 10–15 o gleifion sy'n destun adolygiad fesul clinig a chlinigau cymysg lle mae un claf newydd yn cymryd amser dau glaf sy'n destun adolygiad, yn dibynnu ar gymysgedd o achosion o gleifion newydd i gleifion sy'n destun adolygiad. Bydd yn ofynnol i'r ymgeisydd llwyddiannus ddarparu gwasanaeth o ansawdd uchel. Bydd disgwyl cyfraniad sylweddol at y gwasanaeth Rhewmatoleg cyffredinol ond bydd cyfleoedd i ddilyn diddordeb arbennig sy'n berthnasol i'r gwasanaeth cyffredinol yn cael eu hannog.
• Nid oes ymrwymiad ar alwad y tu allan i oriau yn gysylltiedig â'r swyddi hyn.

·       Rhaid i'r ymgeisydd llwyddiannus ymrwymo i ail-ddilysu, i gymryd rhan mewn archwiliad meddygol a datblygiad proffesiynol parhaus (DPP).

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.