NHSJobs.com

Trosolwg o'r swydd

Mae cyfle cyffrous wedi codi i Weithiwr Cymorth Gofal Iechyd Endosgopi i ymuno â’n Tîm Endosgopi ym Mwrdd Iechyd Addysgu Powys. Mae hon yn swydd llawn amser parhaol.

Mae’r rôl yn cynnig cyfle cyffrous i weithio fel rhan o dîm deinamig i ddarparu gofal cynhwysfawr o ansawdd uchel. Bydd deiliad y swydd yn gweithio dan oruchwyliaeth ein Hymarferwyr Endosgopi ac fel rhan o dîm agos a chyfeillgar i ddarparu gofal o safon uchel i gleifion cyn ac ar ôl y weithdrefn.

Bydd gofyn i chi gynorthwyo ein tîm clinigol i ddarparu gofal rhagorol o fewn endosgopi a byddwch yn cyflawni ystod o ddyletswyddau clinigol ac anghlinigol fel y cyfarwyddir gan yr Ymarferydd Cofrestredig. Byddwch yn dilyn hyfforddiant i ddihalogi endosgopau ac o fewn yr ystafell lân yn unol â chanllawiau, polisïau a gweithdrefnau.

Prif ddyletswyddau'r swydd

Cyfrannu at asesu anghenion gofal a gweithredu a gwerthuso rhaglenni gofal, gan gymryd rhan a chyfrannu at yr agenda llywodraethu clinigol ehangach gan gynnwys datblygu gwasanaethau a gweithio’n hyblyg i ddiwallu anghenion y cleifion a'r gwasanaeth.

Bydd deiliad y swydd yn defnyddio sgiliau arbenigol yn y prosesau paratoi a dadlygru ar gyfer gweithdrefnau endosgopi. Gweithio mewn maes amlddisgyblaethol ac amlasiantaeth ochr yn ochr ag aelodau eraill o'r timau sylfaenol a chymunedol. Mae gofyniad hefyd i oruchwylio staff iau a gweithio'n rheolaidd heb oruchwyliaeth uniongyrchol nyrs gymwysedig neu’r Ymarferydd.

Gweithio i'n sefydliad

Disgrifir Powys fel lle hyfryd i fyw ac i weithio; lleoliad iechyd yn y cefn gwlad lle gallwch ddatblygu yn bersonol ac yn broffesiynol, a lle mae’r cleifion yn ganolog i’r ddarpariaeth. Os ydych chi’n weithiwr iechyd proffesiynol yn chwilio am bodlonrwydd yn eich gyrfa, yna Powys yw’r lle. Beth bynnag yw eich dyheadau gyrfa, rydym yn ymrwymedig i’ch cefnogi a’ch datblygu.

Mae Bwrdd Iechyd Addysgu Powys yn gyfrifol am fodloni anghenion iechyd a lles poblogaeth Powys. Powys yw’r sir fwyaf yng Nghymru, ac o Eryri yn y golgedd i’r Bannau yn y de, mae’n un o’r harddaf hefyd. Drwy weithio mewn partneriaeth rydym yn comisiynu, ac wedi ennill gwobrau am ddarparu, gofal mewn ysbytai, yn y gymuned, iechyd meddwl, a gwasanaethau anableddau dysgu, felly mae’n porffolio’n eang ac amrywiol. Rydym yn falch o gynnig gofal heb ei ail i’n cleifion ac ystod o yrfaoedd i bobl sydd eisiau gwneud gwahaniaeth go iawn.

Oeddech chi’n gwybod – Mae Bwrdd Iechyd Addysgu Powys yn derbyn ceisiadau i ymddeol a dychwelyd o fewn GIG Cymru. Os hoffech wybod rhagor, cysylltwch â thîm y gweithlu Bwrdd Iechyd Addysgu Powys ar 01874 712580 neu [email protected]

Mae Step into Health yn cysylltu cyflogwyr yn y GIG â phobl o gymuned y Lluoedd Arfog.

Croeso i ymgeiswyr ymgeisio yn y Gymraeg, ni chaiff cais yn y Gymraeg ei drin yn llai ffafriol nag un yn y Saesneg.