NHSJobs.com

Trosolwg o'r swydd

Mae cyfle cyffrous newydd wedi codi i Gydlynydd Uned Ddeintyddol Symudol wedi’i leoli yn Aberhonddu.  Mae’r swydd yn Fand 3, Llawn Amser, 37.5 awr yr wythnos. Bydd deiliad y swydd yn gyfrifol am yrru'n rheolaidd, cadw trefn, sefydlu a rhedeg y Uned Ddeintyddol Symudol (UDS). Bydd deiliad y swydd yn cefnogi'r staff clinigol i gyflawni eu dyletswyddau i sicrhau defnydd effeithlon o amser a chyfradd brosesu da. Os ydych chi'n ffynnu mewn swydd amrywiol, gallai'r swydd gydlynu hon fod at eich dant chi. 

Prif ddyletswyddau'r swydd

Bydd deiliad y swydd yn gyfrifol am yrru'r UDS (dan 7.5 tunnell) o bosibl bob dydd, trwy'r ardal ddaearyddol a gwmpesir gan Fwrdd Iechyd Addysgu Powys, gall rhai ardaloedd fod yn gyfyngedig ac yn wledig iawn, gan ofyn am gymhwysedd a sgil. Bydd deiliad y swydd hefyd yn gwneud yr holl wiriadau cerbydau angenrheidiol bob dydd a chynnal asesiadau risg.  Disgwylir i ddeiliad y swydd weithio'n annibynnol a dwyn cyfrifoldeb am reoli llwyth gwaith dyddiol unigol a byddwch yn defnyddio menter eich hun i ddatrys problemau pan fyddant yn codi. Bydd y rôl yn cynnwys cludo offer, stoc a chyfarpar, sicrhau glanweithdra, paratoi a sicrhau bod y UDS yn addas i’r diben. 

Bydd deiliad y swydd yn gweithio'n agos gydag aelodau'r cyhoedd, gan gynnwys oedolion a phlant ag anghenion ychwanegol. Bydd hefyd yn hebrwng plant i'r dosbarth ac o'r dosbarth i fynychu'r UDS, yn ogystal â derbyn/cofrestru aelodau'r cyhoedd, casglu gwaith papur a diweddaru systemau cyfrifiadurol gyda gwybodaeth berthnasol.

Mae'r gallu i siarad Cymraeg yn ddymunol ar gyfer y swydd hon; Mae croeso cynnes i siaradwyr Cymraeg a / neu Saesneg wneud cais.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.