NHSJobs.com

Trosolwg o'r swydd

MAE’R SWYDD HON AM GYFNOD PENODOL /SECONDIAD AM 2 BLYNYDDOEDD OHERWYDD GOFYNION Y GWASANAETH.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.

Trosolwg o’r Swydd 

Ydych chi'n nyrs brofiadol sydd ag angerdd am arloesi digidol? Ydych chi eisiau ymuno â thîm deinamig sy'n trawsnewid y ffordd y mae gofal iechyd yn cael ei ddarparu? Os ydych, efallai mai chi yw'r ymgeisydd perffaith ar gyfer rôl uwch nyrs dros systemau digidol.

Yn dilyn buddsoddiad gan Lywodraeth Cymru, rydym yn chwilio am Uwch Nyrs i arwain ar weithredu system presgripsiynu electronig a gweinyddu ar gyfer ysbytai cymunedol Bwrdd Iechyd Addysgu Powys (BIAP). Byddwch yn cael eich cefnogi gan Uwch Glinigwr a byddwch yn cael eich integreiddio i'r tîm ehangach i weithio ochr yn ochr â rolau eraill o fewn Timau Digidol, Fferylliaeth a Rheoli Prosiectau i gefnogi prosiect ePMA BIAP a phrosiectau arloesi gofal iechyd eraill.

Byddwch hefyd yn gweithio gyda chydweithwyr ledled Cymru a byddwch yn cynrychioli BIAP mewn cyfarfodydd cenedlaethol gan weithredu fel arweinydd clinigol ar gyfer prosiectau digidol eraill yn y Bwrdd Iechyd.

Rydym yn chwilio am rywun sydd â phrofiad o weithio mewn lleoliad ysbyty gyda systemau digidol neu ar brosiectau digidol. Bydd angen sgiliau cyfathrebu a threfnu rhagorol arnoch chi a'r gallu i feithrin perthnasoedd i alluogi newidiadau sylweddol.

Prif ddyletswyddau'r swydd

Mae'r Bwrdd Iechyd yn gweithredu system Presgripsiynu Electronig a Gweinyddu Meddyginiaethau (EPMA) ochr yn ochr â ffrydiau gwaith eraill. Bydd gan ddeiliad y swydd rôl allweddol mewn tîm amlddisgyblaethol o glinigwyr a gweithwyr proffesiynol ehangach, er mwyn sicrhau bod system EPMA Bwrdd Iechyd Addysgu Powys yn cael ei gweithredu a'i defnyddio'n ddiogel. 
 

Byddwch yn defnyddio gwybodaeth a phrofiad arbenigol, ochr yn ochr â sgiliau digidol, i brofi, datblygu a ffurfweddu systemau. Darparu cyngor i reolwyr wardiau, staff ward a staff clinigol eraill, gan gynorthwyo i ddatblygu llifoedd gwaith effeithiol ac effeithlon ar gyfer gweithredu a chyflwyno'r system EPMA ar draws y Bwrdd Iechyd. 

Elfen allweddol fydd hwyluso a chymryd rhan mewn darparu hyfforddiant arbenigol i Nyrsys Cofrestredig, Ymgynghorwyr, Meddygon, staff Fferylliaeth, staff Therapi ac arbenigeddau eraill a fydd yn rhyngweithio â'r system EPMA ar draws y Bwrdd Iechyd. 
Arddangos y system, hyrwyddo buddion EPMA a gweithio gyda'r tîm EMPA i sicrhau bod y system yn cael ei gweithredu mewn modd diogel ac amserol.  Cefnogi'r tîm EPMA i gynnal adolygiad o bolisïau a Gweithdrefnau Gweithredu Safonol, gan sicrhau bod y rhain yn cael eu hysgrifennu a'u cadarnhau cyn gweithredu'r system EPMA. Bydd y rôl yn cynnwys nodi risgiau, a chynhyrchu cynlluniau lliniaru priodol. 

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.