NHSJobs.com

Trosolwg o'r swydd

Trosolwg o’r Swydd: 

Mae cyfle cyffrous wedi codi i Weithiwr Cymorth Gofal Iechyd rhagweithiol a deinamig ymuno â'n tîm imiwneiddio a brechu sy'n canolbwyntio yn Ne Powys.  Mae gennym gyfle llawn amser (37.5 awr / 5 diwrnod yr wythnos), ond gellir ystyried rhan amser hefyd.

Bydd deiliad y swydd yn gweithio i gefnogi rhaglenni imiwneiddio a brechu i drigolion Powys a bydd yn derbyn hyfforddiant penodol i weinyddu brechlynnau i gleifion a grwpiau staff sy'n gweithio dan oruchwyliaeth uniongyrchol Goruchwyliwr Penodol (ymarferydd cofrestredig) ac yn unol â'r Protocol Cenedlaethol.

Bydd y rôl yn cynnwys gweithio'n hyblyg ar draws Bwrdd Iechyd Addysgu Powys i sicrhau bod trigolion Powys yn gallu cael eu brechu a'u himiwneiddio mor nes at adref â phosibl.  

Os ydych chi'n teimlo bod y swydd hon at eich dant chi, gweler y Swydd Disgrifiad a Manyleb y person sydd ynghlwm wrth y swydd wag hon - edrychwn ymlaen at glywed gennych.

Prif ddyletswyddau'r swydd

·       Fel iminiwneiddiwr, byddwch yn gweithio'n agos fel tîm bach, gan ddarparu ystod eang o frechiadau i garfanau cymwys.

·        Asesu iechyd trigolion cyn gweinyddu'r brechlyn a chydnabod unrhyw newidiadau ar ôl y weithdrefn ac ymateb yn unol â hynny.

·        Cyfathrebu'n sensitif gan ddarparu sicrwydd ac empathi i drigolion a allai fod yn nerfus neu sydd angen cymorth ychwanegol oherwydd diffyg gallu neu oedran e.e. plant.

·       Sicrhau bod safonau uchel o brotocolau rheoli heintiau yn rhan annatod o bob agwedd ar ymarfer clinigol.

·        Cefnogi'r broses fferyllfa i sicrhau cyflenwad diogel, storio a gweinyddu brechlynnau; mae hyn yn cynnwys dilyn y broses i gynnal y gadwyn oer ar gyfer brechlynnau o fewn y ganolfan frechu ac allan yn y gymuned. 

·       Cynnal archwiliadau stoc dyddiol, derbyn cyflenwadau a pharatoi brechlynnau i'w trosglwyddo. 

·       Cynnal storfeydd dan gyfarwyddyd a pharatoi offer ar gyfer clinigau allgymorth ac ymweliadau â chartrefi gofal.

·       Trosglwyddo offer a brechlynnau i ac o sesiynau (rhwng gwahanol leoliadau).

·        Cynnal sgiliau, gwybodaeth a hyfforddiant fel y nodwyd yn genedlaethol ac yn lleol e.e. Cymorth Bywyd Sylfaenol, Anaffylacsis. Ymgymryd â hyfforddiant penodol sy'n gysylltiedig â rhaglenni brechlyn. Meddu ar ymwybyddiaeth gyffredinol o faterion a dadleuon imiwneiddio cyfredol a all effeithio ar y nifer sy'n manteisio arnynt.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.