NHSJobs.com

Trosolwg o'r swydd

Mae cyfle cyffrous wedi codi o fewn y Tîm Therapi Cymunedol yn Ysbyty Llandrindod Wells, canolbarth Powys. Rydym yn chwilio am Ymarferydd Therapi Cynorthwyol Band 4 rhan amser i ymuno â’n tîm sefydledig, cyfeillgar a phrofiadol. Bydd y rôl yn gofyn am unigolyn brwdfrydig, llawn cymhelliant sydd â'r gallu i weithio'n annibynnol ac fel rhan o dîm. Bydd yr ymgeisydd llwyddiannus yn gallu dangos menter, yn meddu ar sgiliau cyfathrebu a threfnu da, yn gallu blaenoriaethu llwyth achosion mewn lleoliad cymunedol prysur. Os ydych wedi cael profiad mewn rôl Cynorthwyydd Therapi, ac yn awyddus i ddatblygu eich gyrfa ymhellach, byddem wrth ein bodd yn clywed gennych.

Prif ddyletswyddau'r swydd

Bydd deiliad y swydd yn gweithio fel aelod o’r Tîm Therapïau dan gyfarwyddyd a goruchwyliaeth Arweinydd y Tîm Therapi Galwedigaethol a/ neu Ffisiotherapi i sicrhau bod gwasanaeth adsefydlu effeithlon ac effeithiol yn cael ei ddarparu i drigolion Powys.

Bydd deiliad y swydd yn asesu, gweithredu, trin a symud cleifion ymlaen yn unol â phrotocolau a threfn triniaeth cytunedig, dan oruchwyliaeth y therapydd cymwysedig. Bydd hyn yn cynnwys gweithio mewn arena amlddisgyblaeth ac amlasiantaeth, ochr yn ochr ag aelodau eraill o’r timau therapi a chymunedol. 

Atal y claf rhag gorfod mynd i mewn i’r ysbyty trwy weithio tuag at y nodau therapi y mae’r claf a’r therapydd cymwysedig wedi’u nodi.

Bydd deiliad y swydd yn cydnabod ei gyfyngiadau/ ei chyfyngiadau ac yn mynd ati i geisio cyngor fel bo angen i gyflenwi rhaglen adsefydlu sy’n canolbwyntio ar y cleient. Bydd goruchwylio a chefnogi staff iau yn rhan o’r rôl

Mae’r gallu i siarad Cymraeg yn ddymunol ar gyfer y swydd hon.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor.

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.