NHSJobs.com

Trosolwg o'r swydd

Cyfnod penodol am 24 mis oherwydd diwallu anghenion y gwasanaeth

Bydd y Swyddog Cymorth Trin Galwadau yn gyfrifol am y galwadau a dderbynnir fel rhan o'r rhaglen cymorth Rhestr Aros. Bydd deilliad y swydd yn dwyn cyfrifoldeb am roi cyngor clinigol cyffredinol i gleifion dan arweiniad gweithiwr iechyd cofrestredig, gan sicrhau eu bod yn derbyn gwybodaeth am sut y gallant wneud y gorau o'u hiechyd cyn gweithredu. Bydd hyn yn seiliedig ar ymarfer sy’n seiliedig ar dystiolaeth yn unol â gofynion cyfreithiol, rheolau statudol a pholisïau’r Bwrdd Iechyd o ran ymarfer. 

Gan adrodd yn uniongyrchol i'r ymatebwyr clinigol, bydd deiliad y swydd yn rhoi cyngor a chefnogaeth i'r holl gleifion sy'n cysylltu. Gan weithio gyda'r tîm amlddisgyblaethol ehangach ar gyfer pob gwasanaeth bydd deiliad y swydd yn sicrhau bod cleifion yn derbyn cyngor, arweiniad a gwybodaeth ddiogel, unigryw ac effeithiol. Defnyddir sgript a Chwestiynau Cyffredin i ymateb i ymholiadau tra'n sicrhau cyngor gan Nyrs Gofrestredig yn dibynnu ar sefyllfaoedd unigol pan fo angen.

Bydd deiliad y swydd yn ymdrin â gwybodaeth gyfrinachol, ddadleuol a sensitif o natur bersonol a disgwylir iddo arsylwi a chydymffurfio â rheolau a pholisïau cyfrinachedd penodol.

 Bydd hefyd yn dangos lefelau uchel o uniondeb ac ymrwymiad i'r Bwrdd Iechyd.

Prif ddyletswyddau'r swydd

Ateb pob galwad ffôn o fewn yr amseroedd targed ymateb ac yn unol â'r weithdrefn, gan gyfarch y galwr yn gwrtais yn y Gymraeg a'r Saesneg.

Sicrhau yr ymdrinnir â phob galwad yn brydlon ac mewn modd hyfedr a phroffesiynol, yn unol â pholisïau a gweithdrefnau gweithredol y cytunwyd arnynt sy'n gysylltiedig â'r rhaglen cymorth Rhestr Aros. 

Arwain galwyr at wasanaethau ac adnoddau a fydd yn eu cefnogi i wneud y gorau o'u hiechyd wrth aros ar restr aros.

Cysylltu â'r ymatebwyr clinigol ac aelodau eraill o'r Tîm Cymorth Rhestr Aros a sicrhau bod galwyr yn cael gwybodaeth gywir a chyfredol mewn perthynas â'r gwasanaethau priodol.

 
Cyfieithu gwybodaeth glinigol i iaith hawdd ei deall i gleifion, gan egluro terminoleg feddygol i sicrhau dealltwriaeth.

Cyfathrebu'n effeithiol a sefydlu perthynas waith dda gyda phawb o fewn ac allan i'r Bwrdd Iechyd y byddai deiliad y swydd yn dod ar eu traws.

Bydd yn gwneud ac yn ateb galwadau ffôn ac yn defnyddio menter a synnwyr cyffredin wrth ateb ymholiadau. Darparu cyngor a chefnogaeth broffesiynol.

Dangos cwrteisi a sensitifrwydd wrth ddelio â chleifion, perthnasau a chydweithwyr, gan gynnal cysylltiadau cwsmeriaid da.

 

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.