NHSJobs.com

Trosolwg o'r swydd

MAE’R SWYDD HON AM GYFNOD PENODOL/SECONDIAD AM 2 BLYNYDDOEDD OHERWYDD CYFNOD MAMOLAETH.

OS OES DIDDORDEB GYDA CHI MEWN CEISIO AM SWYDD SECONDIAD, MAE’N RHAID I CHI GAEL CANIATAD EICH RHEOLWR LLINELL PRESENNOL CYN I CHI GEISIO AM Y SWYDD HON.

Mae cyfle cyffrous wedi codi i Bodiatrydd sydd newydd gymhwyso neu wedi yn ddiweddar i ymuno â Thîm Cymunedol sy'n cwmpasu gogledd Powys (Lleoliad i'w gadarnhau fel naill ai’r Drenewydd neu'r Trallwng). Rydym yn cynnal amrywiaeth o glinigau gan gynnwys biomecaneg, diabetes, gofal clwyfau, llawdriniaeth ewinedd, clinigau podiatreg cyffredinol ac ymweliadau cartref mewn gwahanol leoliadau daearyddol. Byddwn ni'n darparu mentor penodol i'r ymgeisydd llwyddiannus a rhaglen fentora strwythuredig.

Prif ddyletswyddau'r swydd

Rydym yn chwilio am unigolyn deinamig a brwdfrydig i ddarparu gofal Podiatreg a hyrwyddo rhagoriaeth glinigol ar draws y sir. Bydd gan ddeiliad y swydd hefyd berthynas waith agos gyda'r Podiatrydd Arbenigol a gwasanaethau Cymunedol eraill yn y Sir i hyrwyddo taith ddi-dor i gleifion.

Bydd angen i'r ymgeisydd llwyddiannus fod yn ymarferydd annibynnol, a meddu ar y brwdfrydedd i ddatblygu, gyda chefnogaeth gan uwch staff, yn eich rôl fel podiatrydd. Bydd angen i chi ddangos sgiliau cyfathrebu a threfnu da a gweithio'n dda fel rhan o dîm. Disgwylir i chi gymryd rhan weithredol yn y gwaith i wella gwasanaethau a maes clinigol yn barhaus. Bydd deiliad y swydd yn cyfrannu at, ac yn cael budd allan o’r model goruchwylio cadarn sydd yn ei le er mwyn rhoi pwyslais cryf ar ddysgu ar y cyd ar draws gwasanaethau.

Byddwch yn rhan o dîm, gan ddefnyddio egwyddorion sy'n seiliedig ar dystiolaeth/ sy'n canolbwyntio ar gleifion i asesu, cynllunio a chyflwyno rhaglenni triniaeth unigol a chyfrifoldeb dirprwyo lle bo'n briodol. Byddwch hefyd yn goruchwylio cynorthwywyr podiatreg a myfyrwyr, er mwyn hyrwyddo ymarfer yn seiliedig ar dystiolaeth a chefnogi penderfyniadau. Bydd angen i ddeiliad y swydd fod yn aelod brwd o'r tîm gyda dull hyblyg o weithio. Rhaid iddyn nhw feddu ar sgiliau cyfathrebu effeithiol i helpu gyda rheoli newid.

Mae'r gallu i siarad Cymraeg yn ddymunol am y swydd hon; Mae croeso i siaradwyr Cymraeg a/neu Saesneg yr un mor falch i ymgeisio.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.