NHSJobs.com

Trosolwg o'r swydd

Rydym yn gyffrous i gynnig cyfle i ddeietegydd deinamig a brwdfrydig arwain gwasanaethau Diabetes Oedolion yn weithredol ac yn strategol ym Mwrdd Iechyd Addysgu Powys (BIAP). Byddech yn dwyn cyfrifoldeb am addysg grŵp gan gynnwys atal trwy'r Rhaglen Cymru Gyfan (AWDPP), Diabetes Math 1 a Math 2 (DAFNE a XPERT), ac yn chwilio’n weithredol am gyfleoedd ar gyfer datblygu a gwella gwasanaethau i sicrhau canlyniadau sy'n canolbwyntio ar dystiolaeth. Byddwch yn gweithio'n agos gyda nyrsys arbenigol diabetes, ac yn ymdrechu i wreiddio'r tîm amlddisgyblaethol mewn llwybrau, yn cyd-fynd hefyd â gwasanaethau Cleifion Mewnol a Chleifion Allanol. Byddwch yn ymgysylltu â rhanddeiliaid gan gynnwys defnyddwyr gwasanaeth, Clystyrau Meddygon Teulu ac Iechyd Cyhoeddus Cymru.

Prif ddyletswyddau'r swydd

Mae BIAP yn gyflogwr arloesol yng nghanol cefn gwlad Cymru gyda holl fanteision llonyddwch y sir, tai fforddiadwy, a chysylltiadau ffyrdd da. Mae'r adran yn gweithredu o safleoedd ar draws Powys, a byddech yn cael eich cefnogi gan y Pennaeth Gwasanaeth Proffesiynol sy'n gweithio'n agos gydag Arweinwyr Therapi eraill i gynnal cydweithrediad gweithwyr proffesiynol perthynol i iechyd cryf o fewn BIAP, ac yn mwynhau cefnogaeth broffesiynol cydweithwyr. Byddwch yn rheoli tîm bach, yn cefnogi cydweithwyr iau, ac yn cyfrannu at hyfforddiant myfyrwyr mewn cydweithrediad â Phrifysgolion Caerdydd a Glyndŵr.

Mae cefndir proffesiynol perthnasol yn ddymunol, ond cefnogir DPP. Croesawir ymgeiswyr gyda llai o brofiad ond sy’n meddu ar rinweddau personol ac agwedd cadarnhaol rhagorol. Bydd angen sgiliau cyfathrebu rhagorol ar ymgeiswyr, a’r gallu i weithio'n annibynnol ac ar y cyd.

Gall oriau gwaith a lleoliad fod yn hyblyg cyn belled â bod anghenion y gwasanaeth ehangach yn cael eu cefnogi. Fodd bynnag, byddai angen mynediad at gar i gefnogi teithio ar draws safleoedd, ac mae'r gallu i siarad Cymraeg yn ddymunol ond nid yn hanfodol ar gyfer y swydd hon.

Gweithio i'n sefydliad

Disgrifir Powys fel lle hyfryd i fyw ac i weithio; lleoliad iechyd yn y cefn gwlad lle gallwch ddatblygu yn bersonol ac yn broffesiynol, a lle mae’r cleifion yn ganolog i’r ddarpariaeth. Os ydych chi’n weithiwr iechyd proffesiynol yn chwilio am bodlonrwydd yn eich gyrfa, yna Powys yw’r lle. Beth bynnag yw eich dyheadau gyrfa, rydym yn ymrwymedig i’ch cefnogi a’ch datblygu.

Mae Bwrdd Iechyd Addysgu Powys yn gyfrifol am fodloni anghenion iechyd a lles poblogaeth Powys. Powys yw’r sir fwyaf yng Nghymru, ac o Eryri yn y golgedd i’r Bannau yn y de, mae’n un o’r harddaf hefyd. Drwy weithio mewn partneriaeth rydym yn comisiynu, ac wedi ennill gwobrau am ddarparu, gofal mewn ysbytai, yn y gymuned, iechyd meddwl, a gwasanaethau anableddau dysgu, felly mae’n porffolio’n eang ac amrywiol. Rydym yn falch o gynnig gofal heb ei ail i’n cleifion ac ystod o yrfaoedd i bobl sydd eisiau gwneud gwahaniaeth go iawn.

Oeddech chi’n gwybod – Mae Bwrdd Iechyd Addysgu Powys yn derbyn ceisiadau i ymddeol a dychwelyd o fewn GIG Cymru. Os hoffech wybod rhagor, cysylltwch â thîm y gweithlu Bwrdd Iechyd Addysgu Powys ar 01874 712580 neu [email protected]

Mae Step into Health yn cysylltu cyflogwyr yn y GIG â phobl o gymuned y Lluoedd Arfog.

Croeso i ymgeiswyr ymgeisio yn y Gymraeg, ni chaiff cais yn y Gymraeg ei drin yn llai ffafriol nag un yn y Saesneg.