NHSJobs.com

Trosolwg o'r swydd

Ydych chi’n chwilio am brofiad cyffrous ac unigryw? Mae cyfle wedi codi ym Mwrdd Iechyd Addysgu Powys i Gynorthwyydd Fferyllfa ymuno â'n Tîm Gwasanaethau Fferylliaeth Gymunedol. Rydym yn chwilio am unigolyn sy’n frwdfrydig ac yn awyddus dros ofal i gleifion sydd am wella gwasanaethau cleifion, i ymuno â ni yn y tîm fferyllfa, gan gefnogi ein cymuned ac ysbytai cymunedol.

Byddwch yn cael eich cefnogi gan Dîm Rheoli Meddyginiaethau profiadol o fferyllwyr, technegwyr fferyllfa, Nyrsys Rheoli Meddyginiaethau, cynorthwywyr fferyllol a staff gweinyddol. Byddwch yn aelod gwerthfawr iawn o'r tîm a byddwn yn darparu cyfleoedd i ddatblygu’n bersonol a hyfforddiant parhaus. Bydd yr holl ddyletswyddau’n cael eu goruchwylio gan aelod o staff cymwys. Bydd gennych gyfle i gyflawni NVQ lefel 2 neu gymhwyster cyfwerth a bydd deiliad y swydd yn derbyn hyfforddiant ac mae’n hanfodol i’r rôl.

Mae’r swydd wag hon yn cynnig rôl barhaol am 30 awr yr wythnos. Bydd hyblygrwydd o ran dros sawl diwrnod y gweithir yr oriau hyn.

Prif ddyletswyddau'r swydd

Cyflawni amrywiaeth o dasgau i gefnogi’r timau fferylliaeth yn y Bwrdd Iechyd gan weithio o fewn Gweithdrefnau Gweithredu Safonol.

Cymryd rhan mewn rota ar gyfer gweithgareddau dosbarthu ac yn y storfeydd cyffredinol i gynnwys danfon nwyddau i wardiau, rheoli stoc a derbyn/storio nwyddau.

Cefnogi gweithrediadau gweinyddol y tîm Rheoli Meddyginiaethau, lle bo angen.

Bydd angen teithio o amgylch safleoedd Powys ar adegau.

Gweithio i'n sefydliad

Disgrifir Powys fel lle hyfryd i fyw ac i weithio; lleoliad iechyd yn y cefn gwlad lle gallwch ddatblygu yn bersonol ac yn broffesiynol, a lle mae’r cleifion yn ganolog i’r ddarpariaeth. Os ydych chi’n weithiwr iechyd proffesiynol yn chwilio am fodlonrwydd yn eich gyrfa, yna Powys yw’r lle i fod. Beth bynnag yw eich dyheadau gyrfa, rydym yn ymrwymedig i’ch cefnogi a’ch datblygu.

Mae Bwrdd Iechyd Addysgu Powys yn gyfrifol am fodloni anghenion iechyd a lles poblogaeth Powys.  Powys ydy’r sir fwyaf yng Nghymru, gydag Eryri i’r Gogledd a Bannau Brycheiniog i’r De, ac mae’r golygfeydd ysblennydd yn werth eu gweld. Gan weithio mewn partneriaeth, rydyn ni’n comisiynu ac yn darparu gwasanaethau ysbyty, cymuned, iechyd meddwl ac anabledd dysgu sydd wedi ennill gwobrau, felly mae ein portffolio yn amrywiol iawn. Rydyn ni’n falch o gynnig gofal ar lefel heb ei hail i’n cleifion, heb sôn am amrywiaeth eang o yrfaoedd i weithwyr proffesiynol sydd eisiau gwneud gwahaniaeth go iawn.

Mae Bwrdd Iechyd Addysgu Powys yn derbyn ceisiadau i ymddeol a dychwelyd o'r GIG yng Nghymru. Os hoffech wybod mwy, cysylltwch â thîm y Gweithlu ym Mwrdd Iechyd Addysgu Powys ar 01874 712580 neu [email protected]

Mae Camu i Iechyd yn cysylltu cyflogwyr yn y GIG gyda phobl yng nghymuned y Lluoedd Arfog.

Gwahoddir pob ymgeisydd i wneud cais yn Gymraeg; ni chaiff cais sydd wedi ei gyflwyno yn y Gymraeg ei drin yn llai ffafriol na chais sydd wedi ei gyflwyno yn y Saesneg.