NHSJobs.com

Trosolwg o'r swydd

Byddwch yn cynnig:

· Gwybodaeth fanwl o'r modelau a ddefnyddir mewn gwasanaethau rheoli pwysau a gweledigaeth strategol

.  Profiad deietegol clinigol eang a thystiolaeth o ddatblygiad proffesiynol parhaus

· Profiad sylweddol o weithredu modelau a datblygu gwasanaethau 

· Dealltwriaeth o ddulliau a ddefnyddir i gefnogi pobl i reoli cyflyrau iechyd hirdymor

· Parodrwydd i weithio fel rhan o dîm rhyngddisgyblaethol a goruchwylio staff

· Y gallu i ddarparu hyfforddiant a goruchwyliaeth i'r tîm amlddisgyblaethol a myfyrwyr deietegol ehangach

· Brwdfrydedd dros archwilio, ymchwilio a datblygu

. Mae'r gallu i siarad Cymraeg yn ddymunol ar gyfer y swydd hon

· Sgiliau digidol rhagorol gan gynnwys y gallu i ddefnyddio'r ystod lawn o offer Microsoft 365

Prif ddyletswyddau'r swydd

Rheoli’r gwasanaeth deieteg arbenigol yn weithredol, a’i gyflenwi. Bydd deiliad y swydd yn sicrhau bod y gwasanaeth sy’n cael ei ddarparu o ddydd i ddydd yn canolbwyntio ar y claf, yn effeithiol ac o ansawdd uchel.
Cymryd y rôl arweiniol mewn gwaith hynod arbenigol asesu a thrin defnyddwyr gwasanaeth a allai fod â chyflyrau cymhleth a/ neu gronig, i bennu’r diagnosis clinigol a’r driniaeth therapi y mae hyn yn galw amdani, a chynnal cofnodion fel ymarferydd annibynnol.
Arwain gwaith datblygu parhaus y gwasanaeth arbenigol ym Mhowys trwy gyswllt agos â phartneriaid allanol a rhwydweithiau arbenigol.
Meddu ar sgiliau cyfathrebu hynod effeithiol, a dangos y rhain yn barhaus â chleifion, gofalwyr, cydweithwyr a’r tîm amlddisgyblaeth ehangach.
Cymryd rhan mewn timau integredig cymhleth yn y gymuned, gan fynychu cyfarfodydd priodol.

Gweithio i'n sefydliad

Cysylltwch â Phennaeth Proffesiynol Dieteteg, Penny Doyle, am drafodaeth bellach ([email protected]) neu 07827 234314.

 Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.