Trosolwg o'r swydd

Mae’r Cynorthwyydd Arlwyo Gwasanaethau Gwesty’n gyfrifol i’r Goruchwyliwr Gwasanaethau Gwesty am wneud amrywiaeth o ddyletswyddau arlwyo, gan gynnwys paratoi diodydd, byrbrydau, saladau, brechdanau a bwffes a choginio prydau bwyd poeth i gleifion a hefyd i staff yn y Bwrdd Iechyd. Bydd yn gwneud dyletswyddau eraill perthnasol sy’n gysylltiedig â’r gweithrediad arlwyo ac, o bryd i’w gilydd, y rheini a orchmynnir i gefnogi’r Tîm Gwasanaethau Gwesty ehangach e.e. glanhau neu dasgau porthor. 

Prif ddyletswyddau'r swydd

Byddwch chi’n cefnogi darparu gweithgareddau arlwyo gwasanaethau gwesty yn lleol, ynghyd â gweithgareddau cyfleusterau cysylltiedig, gan sicrhau eu bod nhw’n cael eu cwblhau ar y lefelau cytunedig a’u bod nhw’n cydymffurfio’n llwyr â’r holl ddeddfwriaeth briodol a pholisïau a gweithdrefnau lleol. Bydd angen ichi allu ysgogi eich hun, bod yn hyblyg eich dull o weithio, gallu gweithio fel rhan o dîm a gallu gweithio ar eich liwt eich hun. Mae profiad blaenorol yn fantais, ond nid yw’n hanfodol gan y bydd yna raglen hyfforddi lawn. Byddwch chi’n gweithio fel rhan o rota sy’n gallu cynnwys nosweithiau a phenwythnosau.

Mae’r gallu i siarad Cymraeg yn ddymunol ar gyfer y swydd hon; mae croeso cyfartal i siaradwyr Cymraeg a/neu Saesneg ymgeisio.

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor. 

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.