Trosolwg o'r swydd

Dyma swydd  sy'n cynnig cyfle cyffrous i ymgeiswyr llwyddiannus weithio i Wasanaeth Gwaed Cymru yn yr adran Uned Dal Stoc (SHU) yn ein Safle yng Ngogledd Ddwyrain Cymru yn Nhŷ Penfro, Wrecsam fel Ymarferydd Cyswllt rhan-amser fel aelod o'r staff Dosbarthu. 

Mae'r Uned Dal Stoc yn cefnogi ysbytai Bwrdd Iechyd Prifysgol Betsi Cadwaladr drwy ddarparu cynhyrchion gwaed a gwaed ar sail 24/7, a bydd deiliad y swydd yn cynrychioli Gwasanaeth Gwaed Cymru a'n gwerthoedd wrth ymdrin â'n hysbytai fel cwsmeriaid. Rydym yn chwilio am rywun sydd ag o leiaf cymhwyster HNC/HND mewn disgyblaeth gwyddoniaeth berthnasol neu sgiliau trosglwyddadwy cyfatebol sy'n hyderus mewn amgylchedd labordy, ond darperir hyfforddiant llawn.

Bydd gofyn i ddeiliad y swydd weithio patrymau shifft amrywiol yn ôl gofynion y gwasanaeth. Bydd shifftiau arferol fel arfer yn digwydd rhwng 08:30-16:00 a 16:00-23:30, gyda gofyniad i gymryd rhan mewn rota ar alwad 24/7 tua unwaith yr wythnos, yn cymryd galwadau brys gan ysbytai a mynychu'r safle i ddosbarthu archebion ychwanegol brys dros nos, penwythnosau a gwyliau banc. Er mwyn gallu cefnogi'r agwedd ar alwad o’r rôl yn addas, mae'n angenrheidiol bod yr ymgeisydd llwyddiannus yn gallu mynychu'r safle o fewn 30 munud.  Mae trwydded yrru lawn y DU yn ofynnol i gynnwys hawlogaeth categori B (Car).

Prif ddyletswyddau'r swydd

Bydd deiliad y swydd yn cyflawni amrywiaeth o dasgau technegol arferol ac arbenigol a fydd yn cynnwys dewis a dosbarthu gwaed, cydrannau gwaed a chynhyrchion masnachol, cynnal a chadw logisteg cadwyn oer a dyletswyddau cyflenwi achlysurol. Bydd yr ymgeisydd llwyddiannus yn gweithio ar lefel i sicrhau bod yr holl brosesau'n bodloni gofynion Canllawiau'r DU ar gyfer Trallwyso Gwaed, a Chyfarwyddeb gan yr UE fel y'i harolygir gan yr Asiantaeth Rheoleiddio Meddyginiaethau a Chynhyrchion Gofal Iechyd (MHRA). Bydd y rôl werth chweil hon yn addas i unigolion brwdfrydig, sydd â chymhelliant da gyda llygad am fanylion, sy'n gallu gweithio'n annibynnol yn ogystal â fel rhan o dîm bach croesawgar.

Maer'r swydd hon am gyfnod penodol / secondiad am 14 mis. Os oes diddordeb gyda chi mewn ceisio am swydd secondiad, mae’n rhaid i chi gael caniatad eich rheolwr llinell presennol cyn i chi geisio am y swydd hon. 

Gweithio i'n sefydliad

Yma yn Ymddiriedolaeth GIG Prifysgol Felindre, rydym yn hynod falch o'r gwasanaethau arbenigol a ddarparwn ledled Cymru yn ein Canolfan Ganser Felindre arloesol ac ein Gwasanaeth Gwaed Cymru gwobrwyedig. Yn ogystal ag arbenigedd ein swyddogaethau corfforaethol sy'n dod â'r ddwy adran at ei gilydd. Rydym hefyd yn ffodus i gynnal Partneriaeth Cydwasanaethau GIG Cymru a Thechnoleg Iechyd Cymru ac rydym wedi datblygu gwaith partneriaeth cryf gyda'r gwasanaethau arbenigol hyn.

Wedi'i sefydlu ym 1999, mae gan yr Ymddiriedolaeth weithlu ymroddedig sy'n ymdrechu'n barhaus i ddarparu egwyddorion allweddol gofal iechyd sy'n seiliedig ar Werth  drwy amrywiaeth eang o rolau. Rydym yn chwarae rhan hanfodol yn y cymunedau rydym yn eu cefnogi ac mae gennym gynlluniau uchelgeisiol ar gyfer y dyfodol i barhau i wella'r gwasanaethau a ddarparwn. Rydym yn ymdrechu i gynnal ein gwerthoedd craidd ym mhopeth a wnawn drwy fod yn; atebol, beiddgar, gofalgar a deinamig, a sicrhau'r gofal gorau posibl i'n cleifion a'n rhoddwyr.

Os ydych am weithio i sefydliad sy'n ymfalchïo mewn gwneud gwahaniaeth go iawn ac sy'n cynnig cyfleoedd gyrfa cyffrous, yna Ymddiriedolaeth GIG Prifysgol Felindre yw'r lle i chi.

Ewch i'n gwefan i gael rhagor o wybodaeth: https://velindre.nhs.wales/