Trosolwg o'r swydd

Mae adran cyllid y gwasanaeth Iechyd Meddwl ac Anableddau Dysgu yn chwilio am unigolyn brwdfrydig i ymuno gyda’r tîm â’r sail barhaol. Bydd angen i ymgeiswyr llwyddiannus fod yn gymwys yn AAT neu brofiad/cymwysterau cyfatebol. Mae’r swydd yn gofyn am unigolyn sydd yn ffynnu wrth weithio mewn tîm, sydd yn gallu dangos sgiliau cyfathrebu a TG ardderchog.

Bydd gweithio o fewn y tîm Ymgynghori Ariannol yn rhoi cyfle i’r unigolyn llwyddiannus gael profiad a dealltwriaeth o feysydd gwahanol o fewn yr adran Cyllid, er enghraifft –

•             Dealltwriaeth o reolaeth cyllid, cost ac incwm;

•             Darparu cyngor ariannol a chymorth i reolwyr gweithredol;

•             Amlygu risgiau ariannol ac adnabod cyfleoedd i gynilo

•             Gwaith ymchwil ar amrywiadau ariannol

Mae’r adran Cyllid yn ymrwymo i gefnogi datblygiad personol a hyfforddiant, gyda photensial i gefnogi astudio tuag at gymhwyster Cyllid Proffesiynol.

Bydd y swydd yn gyfle gwych i rai sydd yn awyddus i ddatblygu eu gyrfa yn yr adran gyllid, gyda’r cyfle hefyd i gael dealltwriaeth a phrofiad o reolaeth gwasanaethau GIG.

Mae natur y swydd hon yn cynnig cyfle i weithio o adref/hybrid, gyda’r opsiwn o weithio mewn swyddfa ym Mangor neu Wrecsam.

Os ydych yn credu bod ganddo’ch y sgiliau a’r brwdfrydedd i ymuno a’n tîm deinameg, byddwn wrth ein bodd yn clywed ganddo’ch.

Prif ddyletswyddau'r swydd

Mae'n gweithio o fewn y Tîm Cyllid Cyfrifeg Rheoli, gan ddarparu cymorth proffesiynol a chyngor a chefnogaeth ariannol i reolwyr, ac mae'n cynnal ymchwiliad i amrywiant a dadansoddiad ariannol cymhleth, gan awgrymu camau unioni perthnasol i reolwyr y Bwrdd Iechyd yn ôl yr angen.

Darparu gwybodaeth rheoli ariannol amserol, gywir ac ystyrlon o fewn amserlenni ariannol tynn a sicrhau bod gwaith yn cael ei gwblhau yn unol â'r Rheolau Sefydlog, Cyfarwyddiadau Ariannol Sefydlog a Chynllun Dirprwyo.

Mae'r gallu i siarad Cymraeg yn ddymunol ar gyfer y swydd hon; mae croeso cydradd i siaradwyr Cymraeg a/neu Saesneg wneud cais.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.