Trosolwg o'r swydd

Cyfle cyffrous i Ymarferydd Band 6 Cofrestredig profiadol weithio o fewn tîm amlddisgyblaethol deinamig, sy'n darparu Gwasanaethau Adsefydlu Cymunedol i'r Is-adran Iechyd Meddwl ac Anableddau Dysgu ar gyfer ardaloedd Gogledd Cymru fel rhan o Wasanaethau Comisiynu Gofal Arbenigol.

Prif ddyletswyddau'r swydd

Mae’r tîm wedi’i leoli yn ardal Dwyrain Wrecsam  Bydd yr ymgeisydd a benodir yn dal llwyth achosion ac yn gweithredu fel cydlynydd Gofal o dan Fframwaith Mesurau Iechyd Meddwl (Cymru), yn darparu  gwasanaethau sy’n canolbwyntio ar adsefydlu ar gyfer defnyddwyr gwasanaeth  o fewn unedau adsefydlu cleifion mewnol y GIG, lleoliadau y Tu Allan i’r Ardal megis ysbytai annibynnol, unedau diogelwch isel, lleoliadau arbenigol a hefyd yn y gymuned.

Nod y tîm yw rhoi ffocws ar ddychwelyd defnyddwyr gwasanaethau yn ôl i’w hardal gartref, a hefyd darparu adsefydlu cymunedol dwys i alluogi. Defnyddwyr Gwasanaeth ag Anghenion Emosiynol Cymhleth a/neu Anghenion Adsefydlu Cymhleth i aros yn eu hardal leol.

Mae’r swydd hon yn agored i ymarferwyr cofrestredig profiadol fel Nyrsys Iechyd Meddwl a Gweithwyr Cymdeithasol sy’n bodloni gofynion y swydd.

Mae'r gallu i siarad Cymraeg yn ddymunol ar gyfer y swydd hon; Mae croeso cyfartal i siaradwyr Cymraeg a/neu Saesneg wneud cais.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.