NHSJobs.com

Trosolwg o'r swydd

Ydych chi’n berson rhagweithiol sydd â sgiliau fferylliaeth clinigol da? Ydych chi’n mwynhau gweithio mewn amgylchedd cyffrous sy’n datblygu o hyd? Eisiau gweithio i ddatblygu gwasanaeth rhagorol a dilyn taith y claf o’r ysbyty i’w cartref?

Rydym eisiau ehangu ein tîm presennol gyda’r cyfle cyffrous hwn i fferyllydd clinigol blaengar, sydd â diddordeb mewn datblygu ei yrfa yn gweithio ar draws sectorau yn ysbytai cymunedol a gofal cychwynnol, gan wella’r canlyniadau i gleifion sy’n ymwneud â meddyginiaethau a lleihau’r amrywiadau mewn rhagnodi, gan sicrhau diogelwch cleifion.

Byddwch yn awyddus, ac yn angerddol am ofal cleifion gyda sgiliau cyfathrebu arddechog er mwyn gweitio gyda’r tîm amlddisgyblaethol dynamig ar draws y ardal yn lleol a’r gwasanaethau cymdeithasol er mwyn gwneud y gorau o feddyginaethau gyda dull canolbwyntio ar y claf. Byddwch wedi'ch lleoli'n bennaf yn ardal BIPBC y Dwyrain, gan weithio yn Wrecsam a Sir y Fflint.

Prif ddyletswyddau'r swydd

Byddwch ddarparu gwasanaethau fferylliaeth clinigol mewn ysbytai cymunedol, timau nyrsio’r cymuned a mewn meddygfeydd teuluol yn sicrhau ymroddiad i’r dull ymarfer ar sail tystiolaeth. Bydd y swydd angen i chi arwain ar goruwchwyliaeth meddyginaethau ar gyfer yr ardal lleol a gweithio gyda’r Arweinydd y Clwstwr ar llifau gwaith blaenorol.

Yn ddelfrydol, byddwch yn rhagnodwr gyda'r cyfle i ddatblygu clinigau rheoli clefydau a arweinir gan fferyllydd. Ein gweledigaeth fel tîm yw gallu cynnig gofal fferyllol yn nes at adref, gan ganolbwyntio'n benodol ar bobl sy'n byw gyda bregusrwydd.

Mae’r swydd ar gael i fferyllwyr sy’n gweithio ym mhob sector o’r proffesiwn, a gallai gynnwys y cyfle i weithio ar draws nifer o sectorau fferyllol.

Penodir i’r swydd hon ar fand 8a. Croesawyd ceisiadau am rannu'r swydd.

Fesul aches, gall costau adleoli fod ar gael fel yr amlinellir ym mholisi BCUHB a gellir eu trafod mewn cyfweliad      

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.