NHSJobs.com

Trosolwg o'r swydd

Mae cyfle cyffrous wedi codi am nyrs Band 6 i ymmuno a’r tîm arbenigwyr nyrsio trawsblaniad arennol. Mae’r swydd yn cael ei hysbysebu fel swydd datblygu ag yn cynyddu I Fand 7 Nyrs Arbennigol pan mae’r a unigoloyn wedi cwbwlhau yr cymwyseddau priodol   

Prif ffocws y rôl yw cynllunio, asesu a chynnal trawsblaniad i cleifion arennol, ac mae’n gofyn am ffocws gwella ansawdd yn ogystal â’r sgiliau a’r wybodaeth ddisgwyliedig a amlinellir yn y Disgrifiad Swydd.

Bydd deilydd y swydd yn gweithio fel rhan o’r tîm arbenigwyr nyrsio trawsblaniad arennol i gynnig y gwasanaeth trawsblanu arennol yng Ngogledd Cymru ac fel rhan o dîm Amlddisgyblaethol/Amlwasanaethol i sicrhau ymagwedd gyson ac integredig tuag at ofal cleifion.

Mae archwilio clinigol with wraidd monitro safonau gwasanaeth a darpariaeth.  Bydd deilydd y swydd yn rhagweithiol o ran diwallu anghenion addysg a hyfforddiant cleifion a staff nyrsio.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

CRYNODEB SWYDD/PWRPAS Y SWYDD:

Cefnogi BIPBC i gynyddu nifer y cleifion trawsblaniad arennol/pancreas, ac unigolion byw sy'n rhoi trawsblaniad.

Darparu arbenigedd, gwybodaeth a sgiliau nyrsio yn arfer clinigol gofal nyrsio trawsblaniad.

Bod yn asiant ar gyfer newid i bwysleisio grym cleifion a hunan ofal gyda ffiniau clinigol a sefydliadol diffiniedig.

Gwella addysg drwy addysgu cleifion, teuluoedd a chydweithwyr er mwyn gwella arfer clinigol a gwella gofal cleifion.

Darparu dull cyson a rhannu arfer gorau ar draws BIPBC

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.