NHSJobs.com

Trosolwg o'r swydd

Bydd Rheolwr Cleifion a Gofalwyr yn rheoli’r Gwasanaeth Cyngor, Cymorth a Chyswllt y Claf (PALS) o fewn tîm Profiad Cleifion a Gofalwyr.  Bydd deilydd y swydd yn rheoli’r staff o ddydd i ddydd, trefnu llwythi gwaith a gofalu fod safonnau ac allbynau yn cael eu cyflawni.  Byddant hefyd yn gweithio gyda gwasanaethau ar draws BIPBC ar brosiectau i wella profiad cleifion a gofalwyr ar draws Gogledd Cymru.

Mae’r gallu i siarad Cymraeg yn ddelfrydol ar gyfer y swydd hon; mae croeso i ymgeiswyr sy’n siarad Cymraeg a/neu Saesneg geisio am y swydd hon.

Prif ddyletswyddau'r swydd

Bydd deilydd y swydd yn:

• Rheoli’r Gwasanaeth Cyngor, Cymorth a Chyswllt y Claf (PALS)
• Sicrhau fod rôl y gofalwr di-dâl yn cael cydnabyddiaeth wrth fynychu’r Gwasanaeth Cyngor, Cymorth a Chyswllt y Claf
• Arwain y Gwasanaeth Cyngor, Cymorth a Chyswllt y Claf i gasglu adborth cleifion a Gofalwyr drwy wahanol ddulliau
• Rheoli risgau allweddol sy’n ymwneud â gweithrediadau PALS yn rhagweithiol gan sicrhau fod gweithredoedd priodol yn cael eu dilyn
• Arwain ar brosiectau ar draws y Bwrdd Iechyd gyda’r Cymunedau Iechyd Integredig a’r gwasanaethau ledled Gogledd Cymru i geisio gwella profiad cleifion a gofalwyr
• Sicrhau cydnabyddiaeth PALS ar draws y Cymunedau Iechyd Integredig a gwasanaethau allanol ar draws Gogledd Cymru

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.