Trosolwg o'r swydd

Prif ddyletswyddau'r swydd

Bydd deilydd y swydd yn gweithio ochr yn ochr â’r tîm trefnu apwyntiadau, staff nyrsio, Meddygon, y cyhoedd, rheolwyr a staff o ffynonellau mewnol ac allanol, gan gefnogi aelodau eraill y tîm i gyflawni targedau a gwasanaeth trefnu apwyntiadau sy’n canolbwyntio ar y claf. Bydd angen i ddeilydd y swydd ddefnyddio ei gymhelliant ei hun, gweithio mewn sefyllfaoedd cymhleth weithiau i sicrhau bod cleifion yn cael eu trefnu yn unol â thargedau cenedlaethol.

Mae lefelau uchel o sgiliau gwasanaeth cwsmer a chyfathrebu/rhyngbersonol yn hanfodol, ynghyd â’r gallu i weithio ar eich liwt eich hun i ddatrys problemau wrth iddynt godi. 

Bydd gennych brofiad mewn rôl weinyddol a phrofiad o weithio â’r cyhoedd a byddwch yn gymwys mewn TG yn y gweithle. Mae sylw at fanylder a casglu data cywir yn holl bwysig.

Yr oriau gwaith yw 37.5 awr yr wythnos. Mae’r gallu i siarad Cymraeg yn hanfodol.

Gweithio i'n sefydliad

Os ydych yn mwynhau her, gydag angerdd i helpu eraill neu'n dymuno dechrau o’r newydd, yna mae gan Fwrdd Iechyd Prifysgol Betsi Cadwaladr (BIPBC) Gogledd Cymru yr holl gynhwysion sydd eu hangen arnoch. Ni yw'r sefydliad iechyd mwyaf yng Nghymru, gan ddarparu ystod lawn o wasanaethau cychwynnol, cymuned, iechyd meddwl ac ysbytai llym a dewisol i boblogaeth o ryw 700,000 o bobl ar draws Gogledd Cymru. Ymunwch â'n tîm a chael y cymorth sydd ei angen arnoch, yn unol â’n Gwerthoedd Sefydliadol a’n fframwaith galluedd 'Balch o Arwain'.

Mwynhewch fod yn rhan o weithio gydag arweiniad ymroddedig ar bob lefel, a chael sicrwydd ein bod yn ymrwymo i hyrwyddo cydraddoldeb ac amrywiaeth, ac yn falch o groesawu ymgeiswyr o dan y cynllun "Cyflogwr Hyderus o ran Anabledd".

Gwiriwch eich cyfrif ebost yn rheolaidd. Bydd ymgeiswyr llwyddiannus yn cael yr holl ohebiaeth recriwtio drwy’r cyfeiriad ebost a gofrestrwyd ar y ffurflen gais.

Caniateir i geisiadau gael eu cyflwyno yn y Gymraeg. Ni fydd cais a gyflwynir yn y Gymraeg yn cael ei drin yn llai ffafriol na chais a gyflwynir yn Saesneg.