Trosolwg o'r swydd

Mae cyfle cyffrous wedi codi ar gyfer Arweinydd Tîm Theatr brwdfrydig sydd llawn hunan-gymhelliant i ymuno â’r Uned Llawdriniaeth Ddydd yn BIAP. Mae gennym ddwy theatr llawdriniaeth, un yn Ysbyty Coffa Rhyfel Sir Frycheiniog ac un yn Ysbyty Coffa Rhyfel Llandrindod.

Rydym yn chwilio am arweinydd deinameg ac ysbrydoledig i weithio gyda’n tîm cyfeillgar. Rhaid bod gennych wybodaeth ddofn o theatr gyda sgiliau arweinyddiaeth gref. Mae angen safonau uchel a sgiliau cyfathrebu rhagorol i weithio o fewn yr adran, er mwyn sicrhau perthnasoedd gwaith effeithiol fel y gallwn ddarparu gofal cleifion o safon uchel i gleifion Powys yn lleol.

Eich lleoliad bydd Ysbyty Coffa Rhyfel Sir Frycheiniog  ond bydd disgwyl i chi weithio’n hyblyg ledled y maes gwasanaeth.

Prif ddyletswyddau'r swydd

Bydd deiliad y swydd yn gyfrifol am arwain a chymryd rhan uniongyrchol mewn gweithdrefnau clinigol a gweithredol gyda chleifion, gofalwyr a pherthnasau.

Arwain tîm amlddisgyblaethol yn absenoldeb Rheolwr y Theatr gan ddelio â materion cymhleth ac yn uwchgyfeirio at y bobl briodol.

Gweithredu fel arbenigwr ar gyfer amgylchedd y Theatr.

Cefnogi wrth oruchwylio staff clinigol yn yr uned a darparu cymorth.

Cymryd rhan mewn archwiliadau clinigol o fewn yr uned

Dwyn cyfrifoldeb am ddatblygu rotas a dyrannu staff.

Mae’r gallu i siarad Cymraeg yn ddymunol ar gyfer y swydd hon; mae croeso i siaradwyr Saesneg a Chymraeg wneud cais

Gweithio i'n sefydliad

Mae bod y Bwrdd Iechyd lleiaf yng Nghymru yn golygu na fyddwch byth yn mynd ar goll yn y dorf. Mae pawb ym Mwrdd Iechyd Addysgu Powys yn cael eu gwerthfawrogi am eu cyfraniad at ein portffolio amrywiol o wasanaethau cymunedol. Gyda'n gilydd, gallwn barhau i wneud gwahaniaeth gwirioneddol i'n cleifion ac adeiladu ar ein henw da di-dor.

Fel cyflogwr cefnogol a blaengar, rydym yn eich annog i lywio eich gyrfa gyda ni, trwy ystod eang o lwybrau datblygu. Rydym hefyd yn ffodus iawn i fod un o'r siroedd gwledig harddaf yng Nghymru, ac ym Mhrydain ehangach! Mae sicrhau cydbwysedd iach rhwng gwaith a bywyd yn hanfodol i ni, ac yn rhywbeth rydym yn ei gydnabod drwy flaenoriaethu eich lles.

I ddechrau eich taith gyda ni, ac i ddysgu mwy am yr hyn y gallwn ei gynnig i chi, ewch i: https://biap.gig.cymru/gweithio-i-ni/. Yno, cewch wybodaeth am ein manteision a'n gwerthoedd, darllen profiadau staff a mwy am yr hyn sydd gan ein sir hardd i'w gynnig.